قازاقستان ۇلتتىق قۇراماسىنىڭ ويىنشىسى باقتيەر زاينۋتدينوۆ مەسكەۋدٸڭ «تسسكا» فۋتبول كلۋبىنا اۋىستى, دەپ حابارلايدى "ۇلت اقپارات".
اقپاراتتى «تسسكا» كلۋبىنىڭ رەسمي سايتى جارييالادى. باقتيەر زاينۋتدينوۆ مەديتسينالىق تەكسەرۋدەن ٶتكەننەن كەيٸن كومانداعا قوسىلادى. ول 2024-2025 فۋتبول ماۋسىمى اياقتالعانعا مەسكەۋلٸك كلۋبتا ٶنەر كٶرسەتەدٸ.
ايتا كەتەيٸك, قازاقستان ازاماتتارى رەسەي چەمپيوناتىندا لەگيونەر بولىپ سانالمايدى.
ب.زاينۋتدينوۆ بۇعان دەيٸن رەسەيدٸڭ «روستوۆ» كومانداسىندا ويناعان. بۇل كوماندا ساپىندا سوڭعى ويىنىن «ۋفاعا» قارسى ٶتكٸزدٸ. نەگٸزگٸ قۇرامدا الاڭعا شىققان زاينۋتدينوۆ گولدىق پاستىڭ اۆتورى اتاندى.
ٶتكەن ماۋسىمدا رەسەي بٸرٸنشٸلٸگٸندە زاينۋتدينوۆ «روستوۆ» قۇرامىندا 17 ماتچ ٶتكٸزٸپ, 4 گول سوعىپ, 1 نەتيجەلٸ پاس بەردٸ.
