بٷگٸن فۋتبولدان قازاقستان كۋبوگى شيرەك فينالىنا شىققان كوماندالار قۇرامى تولىقتاي بەلگٸلٸ بولدى, دەپ حابارلايدى "ۇلت اقپارات".
ا توبىندا پەتروپاۆلدىڭ «قىزىلجارى» قاراعاندىنىڭ «شاحتەرٸمەن» كەزدەستٸ. كەزدەسۋ بارىسىندا پەتروپاۆلدىق كلۋب قارسىلاسىن 8:1 ەسەبٸمەن جەڭدٸ.
تۋرنير كەستەسٸندە العاشقى ەكٸ ورىنعا «قىزىلجار» مەن «شاحتەر» يە بولىپ, شيرەك فينالعا جولداما الدى.
شيرەك فينالدا «تاراز» بەن «شاحتەر», «قايرات» پەن «قايسار», «استانا» مەن «كاسپيي», «قىزىلجار» مەن «توبىل» جۇپ قۇرادى.
شيرەك فينال 21, 22 تامىز كٷندەرٸنە بەلگٸلەنسە, قارىمتا كەزدەسۋ 22 قىركٷيەككە جوسپارلانعان.
جارىستىڭ 1/4 جەنە 1/2 فينالدىق ساتىلارىندا كوماندالار ەكٸ ويىننان ٶتكٸزەدٸ. فينال 28 قاراشا كٷنٸ بولادى.
