بٷگٸن فۋتبولدان قازاقستان كۋبوگى شيرەك فينالىنىڭ العاشقى ەكٸ ويىنى ٶتكٸزٸلدٸ, دەپ حابارلايدى "ۇلت اقپارات".
الدىمەن پەتروپاۆلدا «قىزىلجار» مەن قوستانايدىڭ «توبىلى» كەزدەستٸ. ويىن تاعدىرىن 36-مينۋتتا قوستانايلىق كلۋبتان يگور سەرگەەۆ سوققان جالعىز گول شەشتٸ. وسىلايشا «توبىل» قارسىلاسىنان 1:0 ەسەبٸمەن باسىم تٷستٸ.
ەلوردادا «استانا» مەن «كاسپيي» كەزدەسۋٸ 3:3 ەسەبٸمەن تەڭ اياقتالدى. كەزدەسۋدە ەلوردالىق كوماندادان ماكس ەبونگ 4, ابات ايىمبەتوۆ 36, جاركو توماشەۆيچ 83-مينۋتتاردا گول سوقسا, وعان اقتاۋلىق كلۋبتان رۋسلان ساقالباەۆ 44, ماقسات تايكەنوۆ پەن اسلان داراباەۆ 39 جەنە 96-مينۋتتاردا پەنالتيدەن ٷش گولمەن جاۋاپ قايىردى.
ال «قايرات» پەن «قايسار», «تاراز» بەن «شاحتەر» العاشقى كەزدەسۋٸن 22 قىركٷيەكتە بولسا, قارىمتا ويىن شامامەن 27 قازانعا بەلگٸلەنگەن.
جارىستىڭ 1/4 جەنە 1/2 فينالدىق ساتىلارىندا كوماندالار ەكٸ ويىننان ٶتكٸزەدٸ. فينال 28 قاراشا كٷنٸ بولادى.
