قر دەنساۋلىق ساقتاۋ مينيسترٸ الەكسەي تسوي The New York Times باسىلىمىندا جارييالانعان «سوڭعى ەكٸ اپتادا قازاقستان كوروناۆيرۋس ينفەكتسيياسىنىڭ تارالۋى بويىنشا كٶش باسىنا شىقتى» دەگەن دەرەككە قاتىستى پٸكٸر بٸلدٸردٸ, دەپ حابارلايدى قازاقپارات.
«يە, مۇنداي مونيتورينگتٸ تٷرلٸ ۇيىمدار جٷرگٸزەدٸ. ٶزٸم دە تانىستارىمنان قازاقستان قىزىل تاڭبامەن بەلگٸلەنٸپ, «ەلٸمٸزدە ٶسٸم جوعارى» دەلٸنگەن شامامەن 100 سۋرەت الدىم. مۇقييات وقىساڭىزدار, ەڭ الدىمەن اعىلشىن تٸلٸندە جارييالانعان بۇل اقپاراتتا سوڭعى 2 اپتاداعى ٶسٸم جايىندا ايتىلعان. ٶزدەرٸڭٸز بٸلەسٸزدەر, بٸز قازٸرگٸ ۋاقىتتا سيمپتومى بار جەنە سيمپتومسىز ناۋقاستاردى قوسىپ, بەرٸن بٸرگە سانايتىن بولدىق. ٶيتكەنٸ, سيمپتومسىز ەكەندٸگٸنە قاراماستان ول پاتسيەنت ۆيرۋس تاراتۋشى سانالادى جەنە ولار ايرىقشا نازار اۋدارۋدى قاجەت ەتەدٸ. سوندىقتان اتالعان ەدٸستٸ ٶزگەرتۋدٸڭ نەتيجەسٸندە ۆيرۋس جۇقتىرعان پاتسيەنتتەردٸڭ سانى ستاتيستيكاعا سالعاندا تسيفرلىق تۇرعىدا ٶزگەرٸسكە ۇشىرادى», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, قازٸرگٸ ۋاقىتتا ەلٸمٸزدە ۆيرۋس جۇقتىرعاندار سانى كٷندەلٸكتٸ 1,5 مىڭ جاعدايدى قۇراپ, تۇراقتى بولىپ تۇر. ياعني, سوڭعى ەكٸ اپتانىڭ ٸشٸندە ەلٸمٸزدە ٸندەت جۇقتىرۋشىلار سانىنىڭ كٷرت ارتىپ كەتۋٸ تٸركەلگەن جوق.
«بٸزدە مۇنداي پاتسيەنتتەردٸڭ بٸرقالىپتى, بٸرتٸندەپ انىقتالۋى تٸركەلٸپ وتىر. بٸز سيمپتومى بار جەنە سيمپتومسىز پاتسيەنتتەردٸ بٸرگە كٶرسەتكەننەن كەيٸن الداعى 1-2 اپتادان كەيٸن ستاتيستيكالىق دەرەكتەر تٷزەلەدٸ», - دەدٸ دەنساۋلىق ساقتاۋ مينيسترٸ.
