قازاقستاندا حالىق سانى 2019 جىلعى 1 ماۋسىمدا 18 ملن 489,7 مىڭ ادامدى قۇرادى. بىلتىرعى 1 ماۋسىممەن سالىستىرعاندا حالىق سانى 236,4 مىڭ ادامعا نەمەسە 1,3% ٶسكەن, دەپ حابارلايدى "ۇلت اقپارات" قر ۇلتتىق ەكونوميكا مينيسترلٸگٸنٸڭ ستاتيستيكا كوميتەتٸنە سٸلتەمە جاساپ.
ەسەپتٸ كەزەڭدە قالا تۇرعىندارىنىڭ جالپى سانى 10 ملن 767,6 مىڭ ادامعا جەتكەن. قالالىقتار قازاقستان حالقىنىڭ 58,2%-ىن قۇرايدى. اۋىلداردا جالپى 7 ملن 722,1 مىڭ ادام, ياعني رەسپۋبليكا حالقىنىڭ 41,8%-ى تۇرادى.
بيىلعى قاڭتار-مامىر ايلارىندا رەسپۋبليكادا 1 جاسقا دەيٸنگٸ 1 459 سەبي شەتٸنەگەن (بىلتىرعى كٶرسەتكٸش 1 366). ال نەرەستە كەزٸندە شەتٸنەۋ كوەففيتسيەنتٸ ەر 1000 نەرەستەگە 9,04-تەن تۋرا كەلگەن.
نەرەستەلەردٸڭ شەتٸنەۋٸنٸڭ باستى سەبەبٸ جٷكتٸلٸك كەزٸندەگٸ اۋرۋ-سىرقاۋ بولىپ وتىر. سونىڭ سالدارىنان بيىلعى بەس ايدا 772 نەرەستە كٶز جۇمعان.
بيىلعى قاڭتار-مامىر ايلارىندا قازاقستانعا كەلۋشٸلەردٸڭ سانى 10,8%-عا قىسقارىپ, كەتكەندەر سانى 19,8% ٶسكەن.
ەل ٸشٸندەگٸ كٶشٸپ-قونۋشىلار سانى 19% ٶسكەن. ٶڭٸرارالىق كٶشٸ-قوننىڭ وڭ سالدوسى ماڭعىستاۋ وبلىسىندا (515 ادام) جەنە شىمكەنت (4 144), نۇر-سۇلتان (10 936) جەنە الماتى (11 540) قالالارىندا بايقالىپ وتىر.
