فوتو: Pexels.com
2024 جىلدىڭ 1 قازانىنا قاراي قازاقستان حالقىنىڭ سانى 20 223 218 ادامعا جەتتٸ. ونىڭ ٸشٸندە قالا تۇرعىندارى – 12,7 ميلليون, ال اۋىل تۇرعىندارى – 7,5 ميلليون ادامدى قۇرايدى. جىل باسىنان بەرٸ حالىق سانى 189 376 ادامعا كٶبەيگەن, دەپ حابارلايدى Ult.kz ۇلتتىق ستاتيستيكا بيۋروسىنا سٸلتەمە جاساپ.
جىلدىڭ العاشقى 9 ايىندا ەلدە 278,7 مىڭ سەبي دٷنيەگە كەلسە, 99,5 مىڭ ادام قايتىس بولعان. تابيعي ٶسٸم 179,2 مىڭ ادامدى قۇرادى. تۋۋ كٶرسەتكٸشٸ بويىنشا تٷركٸستان, ماڭعىستاۋ وبلىستارى جەنە شىمكەنت قالاسى الدىڭعى قاتاردا تۇر, ال ٶلٸم كٶرسەتكٸشٸ ەڭ جوعارى ايماقتار – سولتٷستٸك قازاقستان, شىعىس قازاقستان, قوستاناي وبلىستارى.
وسى كەزەڭدە 95 مىڭ نەكە قيىلىپ, 29,3 مىڭ اجىراسۋ تٸركەلدٸ.
قازاقستانعا كەلۋشٸلەر سانى 20 383 ادامدى قۇراسا, ەلدەن كەتكەندەر سانى 10 201 ادامدى قۇراپ, كٶشٸ-قون ايىرىمى 10 182 ادامدى كٶرسەتتٸ. ەلگە كەلگەندەر سانى ٶتكەن جىلمەن سالىستىرعاندا 6,5%-عا ارتسا, كەتكەندەر سانى 19,9%-عا ازايدى. ەل ٸشٸندەگٸ كٶشٸ-قون دا ٶسٸپ, ٶڭٸرارالىق كٶشٸ-قون بويىنشا استانا, الماتى, شىمكەنت قالالارى جەنە الماتى وبلىسى حالىق سانىنىڭ وڭ ايىرىمىنا يە بولدى.
