سوڭعى بٸر ايدىڭ كٶلەمٸندە ەلٸمٸزدەگٸ سالىمداردى دوللار ارقىلى جٷرگٸزۋ تٶمەندەدٸ. جىل باسىنان بەرٸ 70 پايىز دەڭگەيٸندە تۇرعان كٶرسەتكٸش 2016 جىلعى شٸلدەدە بٸردەن 58,8 پايىزعا دەيٸن تٶمەندەگەن. بۇل جاعداي ەسٸرەسە جەكە تۇلعالاردىڭ دەپوزيتتەرٸ بويىنشا ايىرىقشا بايقالدى. ناقتىراق ايتساق 80 پايىزدان 67,8 پايىزعا دەيٸن قۇلدىراعان – دەيدٸ BAQ.kz تٸلشٸسٸ.
حالىقتىڭ ۇلتتىق ۆاليۋتاداعى دەپوزيتتەرٸ بويىنشا ەڭ جوعارى ۇسىنىلعان مٶلشەرلەمەلەردٸڭ ەر كەزەڭدە 9 پايىزدان 14 پايىزعا دەيٸن كٶتەرٸلگەنٸن بايقاۋعا بولادى. ال كەرٸسٸنشە, شەتەل ۆاليۋتاسىنداعى دەپوزيتتەر بويىنشا جىلدىق 4,5 پايىزدان 2 پايىزعا دەيٸن تٶمەندەتٸلگەنٸن ەسكەرگەن جٶن.
حالىقتىڭ ۇلتتىق ۆاليۋتاداعى دەپوزيتتەرٸ بويىنشا كەپٸلدٸك بەرۋ سوماسى 5 ملن. تەڭگەدەن 10 ملن. تەڭگەگە دەيٸن ۇلعايتىلدى.
سونىمەن بٸرگە, ۇلتتىق بانكتٸڭ اقپاراتىنا سەيكەس, شٸلدە ايىندا, 2016 جىلعى قاڭتاردان باستاپ العاش رەت, حالىق بانكتەردٸڭ جەنە بانكتٸك ەمەس ۇيىمداردىڭ ايىرباستاۋ پۋنكتتەرٸندە قولما-قول اقش دوللارىن ساتۋدان گٶرٸ ساتىپ الۋ كٶبٸرەك بولعان.
«الدىڭعى ايلارمەن سالىستىرعاندا شٸلدەدەگٸ دوللاردى ساتۋعا دەگەن سۇرانىستىڭ تٶمەندەۋٸ جازعى دەمالىس كەزەڭٸندە شەتەل ۆاليۋتاسىنا دەگەن ماۋسىمدىق سۇرانىسقا بايلانىستى. بۇل رەتتە حالىقتىڭ اقش دوللارىنا سۇرانىسىنىڭ كٶلەمٸ (778,1 ملن. اقش دولل.) 2005 جىلدان باستاپ ايلىق كٶرسەتكٸش رەيتينگٸندە ەڭ تٶمەنگٸ كٶرسەتكٸشٸ رەتٸندە بيىلعى شٸلدە ايى تٸركەلدٸ», – دەپ تٷسٸندٸردٸ قارجى رەتتەۋشٸسٸنٸڭ باسپاسٶز قىزمەتٸ.
«ۇلتتىق بانكتٸڭ ساياساتى ۇلتتىق ۆاليۋتانىڭ تارتىمدىلىعىن ارتتىرۋعا باعىتتالعان جەنە ۆاليۋتاداعى قۇرالدارمەن سالىستىرعاندا تەڭگەدەگٸ قۇرالداردىڭ بارىنشا جوعارى كٸرٸستٸلٸگٸن قامتاماسىز ەتۋگە جەنە بانكتەرگە تەڭگەدەگٸ ٶتٸمدٸلٸكتٸ بەرۋ قۇرالدارىن كەڭەيتۋگە باعىتتالادى», – دەدٸ قر ۇب بۇل تٶمەندەۋگە قاتىستى تٷسٸندٸمەسٸندە.
قالاي دەگەنمەن دە بيىلعى جاز اقش كٶكقاعازىنىڭ سۇرانىسى ەڭ تٶمەن دەڭگەيدە بولعانى انىق. ول ەلدٸڭ ۇلتتىق ۆاليۋتاعا دەگەن سەنٸمٸنٸڭ نىعايا تٷسكەندٸگٸن كٶرسەتۋٸ مٷمكٸن. تٸپتٸ, ەلەمدەگٸ ەكونوميكالىق جەنە قاۋٸپسٸزدٸك شارالارىنا دا قاتىستى بولۋى ەبدەن مٷمكٸن.
قىر بالاسى
