Sońǵy bir aidyń kóleminde elimizdegi salymdardy dollar arqyly júrgizý tómendedi. Jyl basynan beri 70 paiyz deńgeiinde turǵan kórsetkish 2016 jylǵy shildede birden 58,8 paiyzǵa deiin tómendegen. Bul jaǵdai ásirese jeke tulǵalardyń depozitteri boiynsha aiyryqsha baiqaldy. Naqtyraq aitsaq 80 paiyzdan 67,8 paiyzǵa deiin quldyraǵan – deidi BAQ.kz tilshisi.
Halyqtyń ulttyq valiýtadaǵy depozitteri boiynsha eń joǵary usynylǵan mólsherlemelerdiń ár kezeńde 9 paiyzdan 14 paiyzǵa deiin kóterilgenin baiqaýǵa bolady. Al kerisinshe, shetel valiýtasyndaǵy depozitter boiynsha jyldyq 4,5 paiyzdan 2 paiyzǵa deiin tómendetilgenin eskergen jón.
Halyqtyń ulttyq valiýtadaǵy depozitteri boiynsha kepildik berý somasy 5 mln. teńgeden 10 mln. teńgege deiin ulǵaityldy.
Sonymen birge, Ulttyq Banktiń aqparatyna sáikes, shilde aiynda, 2016 jylǵy qańtardan bastap alǵash ret, halyq bankterdiń jáne banktik emes uiymdardyń aiyrbastaý pýnktterinde qolma-qol AQSh dollaryn satýdan góri satyp alý kóbirek bolǵan.
«Aldyńǵy ailarmen salystyrǵanda shildedegi dollardy satýǵa degen suranystyń tómendeýi jazǵy demalys kezeńinde shetel valiýtasyna degen maýsymdyq suranysqa bailanysty. Bul rette halyqtyń AQSh dollaryna suranysynyń kólemi (778,1 mln. AQSh doll.) 2005 jyldan bastap ailyq kórsetkish reitinginde eń tómengi kórsetkishi retinde biylǵy shilde aiy tirkeldi», – dep túsindirdi qarjy retteýshisiniń baspasóz qyzmeti.
«Ulttyq Banktiń saiasaty ulttyq valiýtanyń tartymdylyǵyn arttyrýǵa baǵyttalǵan jáne valiýtadaǵy quraldarmen salystyrǵanda teńgedegi quraldardyń barynsha joǵary kiristiligin qamtamasyz etýge jáne bankterge teńgedegi ótimdilikti berý quraldaryn keńeitýge baǵyttalady», – dedi QR UB bul tómendeýge qatysty túsindimesinde.
Qalai degenmen de biylǵy jaz AQSh kókqaǵazynyń suranysy eń tómen deńgeide bolǵany anyq. Ol eldiń ulttyq valiýtaǵa degen seniminiń nyǵaia túskendigin kórsetýi múmkin. Tipti, álemdegi ekonomikalyq jáne qaýipsizdik sharalaryna da qatysty bolýy ábden múmkin.
Qyr balasy
