قاسىم-جومارت توقاەۆ «ەل-ازھار» ۋنيۆەرسيتەتٸنٸڭ جوعارعى يمامى احماد ات-تايەبپەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ەلەمدٸك جەنە دەستٷرلٸ دٸندەر كٶشباسشىلارىنىڭ باسقوسۋىنا وراي جولداعان شاقىرۋىن قابىل العانى ٷشٸن «ەل-ازھار» يسلام ۋنيۆەرسيتەتٸنٸڭ جوعارعى يمامى, شەيح احماد ات-تايەبكە ريزاشىلىق بٸلدٸردٸ.
– بٸز ٶزٸڭٸز باسقاراتىن «ەل-ازھار» ۋنيۆەرسيتەتٸن ورتاق دٸنٸمٸز – يسلام قۇندىلىقتارىن دەرٸپتەۋشٸ «شامشىراق» رەتٸندە قاراستىرامىز. سوندىقتان تولەرانتتىق پەن ۇستامدىلىقتى, سابىرلىق پەن مەيٸرٸمدٸلٸكتٸ تۋ ەتكەن ورتالىق عۇلامالارىنىڭ بٷگٸنگٸ ەلەمدٸك جەنە دەستٷرلٸ دٸندەر كٶشباسشىلارىنىڭ باسقوسۋىنا قاتىسۋى بٸز ٷشٸن ٶتە ماڭىزدى, – دەدٸ پرەزيدەنت.
قاسىم-جومارت توقاەۆ مەرتەبەلٸ مەيمانعا يسلام بٸلٸمٸنٸڭ ورداسى جەنە دٸني ەكسترەميزمگە قارسى ٸس-قيمىل ورتالىعى سانالاتىن «ەل-ازھار» ۋنيۆەرسيتەتٸندە قازاقستاندىق ستۋدەنتتەردٸڭ بٸلٸم الۋىنا جاسالعان جاعدايدى جوعارى باعالايتىنىن جەتكٸزدٸ. سونىمەن قاتار «ەل-ازھاردىڭ» قازاقستاندا يسلام بٸلٸمٸ مەن زەرتتەۋلەرٸنٸڭ دامۋىنا قوماقتى ٷلەس قوسىپ وتىرعانىن ەرەكشە اتاپ ٶتتٸ.
كەلەسٸ جىلى سۇلتان بەيبارىستىڭ تۋعانىنا 800 جىل تولادى. مەملەكەت باسشىسى اتالعان مەرەيتويعا دايىندىق اياسىندا قازاقستان تاراپى كايردەگٸ سۇلتان بەيبارىس مەشٸتٸن قايتا جٶندەۋگە ايتارلىقتاي ٷلەسٸن قوساتىنىن ايتتى.
كەزدەسۋ سوڭىندا قاسىم-جومارت توقاەۆ مىسىر پرەزيدەنتٸ ەبدەل فاتتاح اس-سيسيگە ىستىق ىقىلاسقا تولى سەلەمٸن جولدادى. ٶز كەزەگٸندە «ەل-ازھاردىڭ» جوعارعى يمامى مەملەكەت باسشىسىنا مىسىر پرەزيدەنتٸنٸڭ جٷرەكجاردى سەلەمٸن جەتكٸزدٸ.
