"بٷگٸن برازيلييانىڭ ريو-دە جانەيرو قالاسىندا دزيۋدودان وليمپيادا ويىندارىنىڭ جەرەبەسٸ تارتىلىپ, قازاق بالۋاندارىنىڭ العاشقى قارسىلاستارى انىقتالدى", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
60 كەلٸدەگٸ ەلەم چەمپيونى ەلدوس سمەتوۆتىڭ العاشقى اينالىمدا ليبييالىق بالۋان ەلكابيسا موحامەد ەلحاديمەن بەلدەسەدٸ. ول وليمپياداعا قۇرلىقتىق جولداما بويىنشا كەلگەن.
66 كەلٸدە جانساي سماعۇلوۆ العاشقى اينالىمىندا بەلگييالىق بالۋان يايپەر لەفەبەرمەن بەلدەسەتٸن بولادى.
73 كەلٸدەگٸ ديدار حامزانىڭ العاشقى قارسىلاسى كامبييادان كەلگەن بالۋان فايا نجيە. بۇل سپورتشى دا وليمپياداعا قۇرلىقتىق جولداما بويىنشا كەلگەن.
100 كەلٸدەگٸ ەل نامىسىن قورعايتىن ماكسيم راكوۆ بٸرٸنشٸ اينالىمدا بوس. ول ەكٸنشٸ اينالىمدا ەستونييالىق بالۋان گريگوريي ميناشكينمەن بەلدەسۋٸ مٷمكٸن.
ال قىزدار اراسىندا ٶنەر كٶرسەتەتٸن 48 كەلٸدەگٸ ارۋىمىز وتگونتسەتسەگ گالبادراح العاشقى اينالىمدا بوس. ەكٸنشٸ اينالىمدا گۆينەيا-بيساۋدان كەلگەن بالۋان تاسيانا ليمامەن بەلدەسەتٸن بولادى.
دزيۋدودان ەل نامىسىن قورعايتىن ەكٸنشٸ ارۋىمىز 63 كەلٸدەگٸ مارييام ورداباەۆا بٸرٸنشٸ اينالىمدا قىتايلىق يان تسزيۋنمەن كٷش سىناسادى.
ريو-دە جانەيرو وليمپياداسىنا دزيۋدودان ەلەمنٸڭ 136 ەلٸنەن 389 سپورتشى ٶنەر كٶرسەتپەك. بۇل وليمپيادا تاريحىنداعى تۇڭعىش رەكوردتىق سان ەكەن. ايتالىق, لوندون وليمپياداسىندا 135 ەلدەن 387 دزيۋدوشى ٶنەر كٶرسەتكەن بولاتىن.
ەستەرٸڭٸزگە سالا كەتەيٸك, قازاق دزيۋدوشىلارى تامىزدىڭ 6-سى كٷنٸ جارىسقا شىعا باستايدى. بۇل كٷنٸ 10.00-دە(استانا ۋاقىتىمەن 19.00-دە) ەيەلدەر اراسىندا 48 كەلٸدە و. گالبادراح پەن ەرلەر اراسىندا قازاق ەلٸ ٷكٸلەپ ٷمٸت ارتىپ وتىرعان ە. سمەتوۆ سىنعا تٷسەدٸ. فينال15.30-دا (استانا ۋاقىتىمەن 7 تامىز, 00.30-دا).
جارىستىڭ ەكٸنشٸ كٷنٸ ساعات 10:00-دە (استاناۋاقىتىمەن 19.00-دە) 66 كەلٸ سالماقتا ج. سماعۇلوۆ ٶنەر كٶرسەتەدٸ. فينال 15:30-دا (استانا ۋاقىتىمەن 8 تامىز, 00.30-دا) باستالادى.
