"Búgin Braziliianyń Rio-de Janeiro qalasynda dziýdodan Olimpiada oiyndarynyń jerebesi tartylyp, qazaq balýandarynyń alǵashqy qarsylastary anyqtaldy", - dep habarlaidy Ult.kz tilshisi QazAqparat agenttigine silteme jasap.
60 kelidegi álem chempiony Eldos Smetovtyń alǵashqy ainalymda libiialyq balýan Elkabisa Mohamed Elhadimen beldesedi. Ol Olimpiadaǵa qurlyqtyq joldama boiynsha kelgen.
66 kelide Jansai Smaǵulov alǵashqy ainalymynda belgiialyq balýan Iaiper Lefebermen beldesetin bolady.
73 kelidegi Didar Hamzanyń alǵashqy qarsylasy Kambiiadan kelgen balýan Faia Njie. Bul sportshy da Olimpiadaǵa qurlyqtyq joldama boiynsha kelgen.
100 kelidegi el namysyn qorǵaityn Maksim Rakov birinshi ainalymda bos. Ol ekinshi ainalymda estoniialyq balýan Grigorii Minashkinmen beldesýi múmkin.
Al qyzdar arasynda óner kórsetetin 48 kelidegi arýymyz Otgontsetseg Galbadrah alǵashqy ainalymda bos. Ekinshi ainalymda Gvineia-Bisaýdan kelgen balýan Tasiana Limamen beldesetin bolady.
Dziýdodan el namysyn qorǵaityn ekinshi arýymyz 63 kelidegi Mariiam Ordabaeva birinshi ainalymda qytailyq Ian Tsziýnmen kúsh synasady.
Rio-de Janeiro olimpiadasyna dziýdodan álemniń 136 elinen 389 sportshy óner kórsetpek. Bul Olimpiada tarihyndaǵy tuńǵysh rekordtyq san eken. Aitalyq, London olimpiadasynda 135 elden 387 dziýdoshy óner kórsetken bolatyn.
Esterińizge sala keteiik, qazaq dziýdoshylary tamyzdyń 6-sy kúni jarysqa shyǵa bastaidy. Bul kúni 10.00-de(Astana ýaqytymen 19.00-de) áielder arasynda 48 kelide O. Galbadrah pen erler arasynda qazaq eli úkilep úmit artyp otyrǵan E. Smetov synǵa túsedi. Final15.30-da (Astana ýaqytymen 7 tamyz, 00.30-da).
Jarystyń ekinshi kúni saǵat 10:00-de (Astanaýaqytymen 19.00-de) 66 keli salmaqta J. Smaǵulov óner kórsetedi. Final 15:30-da (Astana ýaqytymen 8 tamyz, 00.30-da) bastalady.
