قازاقستان دونەتسك پەن لۋگانسكٸنٸ مويىنداۋ مەسەلەسٸن كٶتەرمەيدٸ. بۇل تۋرالى قر سىرتقى ٸستەر مينيسترٸ مۇحتار تٸلەۋبەردٸ ايتتى, دەپ حابارلايدى قازاقپارات.
«دونەتسك پەن لۋگانسك حالىق رەسپۋبليكالارى تٶڭٸرەگٸندەگٸ شيەلەنٸسكە قاتىستى قازاقستان ۇستانىمى جايىندا ايتار بولساق, رەسەي پرەزيدەنتٸنٸڭ اتالعان رەسپۋبليكالاردى مويىنداۋ تۋرالى جارلىققا قول قويعانىن بەرٸڭٸز بٸلەسٸزدەر. بٸرٸنشٸدەن, رەسەيدٸڭ نەلٸكتەن مۇنداي شەشٸم قابىلداۋ سەبەبٸن ساراپتاۋ قاجەت. باتىس پەن رەسەي اراسىندا قاۋٸپسٸزدٸك جٷيەسٸنە قاتىستى ۋاعدالاستىقتىڭ جوق ەكەندٸگٸ تٷسٸنٸكتٸ. رەسەي تاراپى رەسەي مەن اقش, سونىمەن قاتار رف مەن ناتو اراسىنداعى كەلٸسٸم جوبالارىن جٸبەرگەن بولاتىن. بۇل كەلٸسٸم بويىنشا قازٸرگٸ ۋاقىتتا ۋاعدالاستىققا قول جەتكٸزٸلمەدٸ. ەكٸنشٸدەن, «نورماند فورماتىنا» قاتىسۋشىلار مينسك كەلٸسٸمٸن جٷزەگە اسىرۋ جولدارىنا قاتىستى ٶزارا تٷسٸنٸستٸككە كەلە المادى ەرٸ قابٸلەتسٸز بولىپ شىقتى. بۇل دا سەبەپتەردٸڭ بٸرٸ. ٷشٸنشٸدەن, دونەتسك پەن لۋگانسكٸدەگٸ گۋمانيتارلىق داعدارىس جايىندا ايتىپ وتىرمىز. قازٸرگٸ ۋاقىتتا اتالعان رەسپۋبليكالاردان رەسەيگە قاراي بوسقىندار اعىلىپ جاتىر», - دەدٸ مينيستر ٷكٸمەت وتىرىسىنان كەيٸن باق ٶكٸلدەرٸنٸڭ ساۋالىنا وراي.
وسى رەتتە ول رەسەي پرەزيدەنتٸنٸڭ دونەتسك پەن لۋگانسكٸنٸ مويىنداۋ تۋرالى جارلىعىنا قاتىستى قازاقستاننىڭ رەسمي ۇستانىمى ەزٸرلەنٸپ جاتقانىن ايتتى.
«تاياۋ ساعاتتىڭ ٸشٸندە قازاقستان قاۋٸپسٸزدٸك كەڭەسٸنٸڭ وتىرىسى ٶتٸپ, وندا قازاقستاننىڭ رەسمي ۇستانىمىن قابىلدايمىز. بٸراق, قازاقستاننىڭ دونەتسك پەن لۋگانسكٸنٸ مويىنداۋ مەسەلەسٸ كٶتەرٸلٸپ وتىرماعاندىعىنا سەندٸرگٸم كەلەدٸ. بٸز حالىقارالىق قۇقىق نەگٸزدەرٸن جەنە بۇۇ جارعىسىنىڭ نەگٸزگٸ ۇستانىمدارىن ۇستانامىز. قازٸر احۋال ناشارلاپ, شيەلەنٸس كٷشەيٸپ بارا جاتقانى تٷسٸنٸكتٸ. سوندىقتان قازاقستان بارلىق حالىقارالىق قوعامداستىقتى شيەلٸنٸستٸ شەشۋدە ديپلوماتييالىق كٷش-جٸگەردٸ قولدانۋعا شاقىرادى ەرٸ سوعان دايىن», - دەدٸ مۇحتار تٸلەۋبەردٸ.
