قازاقستان كەسٸپقوي فۋتبول ليگاسى 2020 جىلعى ماۋسىمنىڭ قورىتىندىسى بويىنشا Olimpbet-قازاقستان چەمپيوناتىنىڭ ٷزدٸكتەر قۇراماسىن جارييالادى, دەپ حابارلايدى "ۇلت اقپارات".
قازاقستان كەسٸپقوي فۋتبول ليگاسىنىڭ (قكفل) رەسمي سايتىندا بيىلعى فۋتبول ماۋسىمىنىڭ ٷزدٸكتەر قۇرامى جارييالاندى. ٷزدٸك كوماندا قكفل سەرٸكتەسٸ InStat كومپانيياسىنىڭ ماتچتارىن ستاتيستيكالىق تالداۋ نەگٸزٸندە قۇرىلدى. سونىمەن 2020 جىلدىڭ ٷزدٸكتەر قۇراماسى تٶمەندەگٸدەي:
قاقپاشى: الەكساندر موكين («توبىل»).
تەجٸريبەلٸ قاقپاشى 13 ماتچتىڭ 10-ىندا قاقپاسىنا گول ٶتكٸزبەگەن. موكين 23 سوققىنى قايتاردى. ٸس-قيمىل يندەكسٸ – 240.
وڭ قاپتالداعى قورعاۋشى: ٸليياس ەمٸرسەيٸتوۆ («قايسار»).
بيىلعى ماۋسىم «قايساردىڭ» قورعاۋشىسى ٷشٸن سەتتٸ بولدى. ول قورعاۋشىلاردىڭ توپ-5 ساناتىنا ەندٸ. ستاتيستيكا بويىنشا 49 رەت دوپقا تالاستا قارسىلاستارىنان باسىم تٷسكەن.
ورتالىق قورعاۋشىلار: رادە دۋگاليچ جەنە نۇرالى ەلٸپ («قايرات»).
دۋگاليچ–ەلٸپ جۇبى چەمپيوناتتا ەڭ تيٸمدٸ ٶنەر كٶرسەتكەندەردٸڭ قاتارىندا. ويىنشىلار بٸر-بٸرٸن تولىقتىرىپ, مٷمكٸندٸگٸنشە سەنٸمدٸ ەرەكەت ەتتٸ. رادە دوپقا تالاستاردا وزىق شىقسا, جاس قورعاۋشى نۇرالى ەر ويىندا ساۋاتتى قيمىلدادى. سونىمەن قاتار نۇرالى تٶرت رەت گول سوقتى. ۇلتتىق قۇرامانىڭ بەلدٸ ويىنشىسى سانالادى.
سول قاپتالداعى قورعاۋشى: عافۋرجان سٷيٸمباەۆ («قايرات»).
سٷيٸمباەۆ قورعانىستا دا, شابۋىلدا دا ٶزٸن كٶرسەتە بٸلدٸ. چەمپيوناتتا 7 گولعا مٷمكٸندٸك جاسادى. ول ماۋسىم بويى ٷزدٸكتەر قۇرامىنا 8 رەت كٸرگەن. ٸس-قيمىل يندەكسٸ – 265.
تٸرەك جارتىلاي قورعاۋشى: دجابا كانكاۆا («توبىل»).
«توبىلدىڭ» گرۋزييالىق فۋتبولشىسى دجابا كانكاۆا كەزەكتٸ ماۋسىمدا سەتتٸ وينادى. دجابا ٶزٸ قاتىسقان جەكپە-جەكتٸڭ 62% -ىندا جەڭدٸ جەنە وسى كٶرسەتكٸش بويىنشا ٷزدٸك 3 ويىنشىنىڭ قاتارىندا.
وڭ جاق جارتىلاي قورعاۋشى: تيگران بارسەگيان («استانا»).
ارمەنييالىق ويىنشى بارسەگيان شابۋىل شەبٸندە ەلوردالىق كوماندانى العا سٷيرەدٸ. جوعارى جەكە شەبەرلٸك پەن تيٸمدٸ دريبلينگ ونىڭ اينىماس سەرٸگٸ بولدى. تيگران ٷش گول سوعىپ, ەرٸپتەستەرٸنە 5 گولدىق پاس بەردٸ.
شابۋىلداۋشى جارتىلاي قورعاۋشى: اسحات تاعىبەرگەن («قايسار»).
تاعىبەرگەن قىزىلوردا كلۋبىنىڭ شابۋىلدارىنىڭ نەگٸزگٸ ۇيىمداستىرۋشىسى عانا ەمەس, قورعانىستا دا جاقسى وينادى. اسحات 2020 جىلى 4 گول سوعىپ, 2 رەت اسسيستەنت اتاندى. ونىڭ ەكٸ گولى تامىز جەنە قاراشا ايلارىنداعى ەڭ ٷزدٸك گول بولىپ تانىلدى.
سول جاق جارتىلاي قورعاۋشى: جواو پاۋلو («ورداباسى»).
جواو – چەمپيوناتتىڭ ٷزدٸك ورىنداۋشىلارىنىڭ بٸرٸ. شىمكەنتتٸك كلۋبتىڭ شابۋىلىنداعى باستى رٶلدٸ وسى برازيلييالىق فۋتبولشى وينادى. بارلىعى 12 گول سوعىپ, تۋرنيردٸڭ ٷزدٸك بومبارديرٸ اتاندى. سونىمەن قاتار پاۋلو بٸرنەشە ستاتيستيكالىق كٶرسەتكٸشتەر بويىنشا ليگادا ٷزدٸك اتاندى. ٸس-قيمىل يندەكسٸ – 248.
شابۋىلشىلار: ابات ايىمبەتوۆ جەنە ۆاگنەر لاۆ («قايرات»).
ايىمبەتوۆ ەكٸنشٸ ماۋسىم قاتارىنان ەڭ نەتيجەلٸ قازاقستاندىق شابۋىلشى اتاندى. 20 ماتچتا ول 10 گول سوقتى. ابات جاڭا ۇجىمعا بيىل قوسىلسا دا, ويىن سحەماسىندا ٶزٸن جاقسى كٶرسەتتٸ.
ۆاگنەر لاۆ Olimpbet-قازاقستان چەمپيوناتىنىڭ ناعىز سەنٸنە اينالدى. جۇلدىزدى برازيلييالىق جەكە شەبەرلٸگٸ جاعىنان ليگاداعى ەڭ ٷزدٸكتەردٸڭ بٸرٸ بولدى. ول «قايراتتىڭ» 17 نەتيجەلٸ شابۋىلىنا قاتىستى. ستاتيستيكالىق مەلٸمەتتەرگە سەيكەس, لاۆتىڭ قورجىنىندا 4 گول, 12 نەتيجەلٸ پاس جەنە 17 دەل سوققى بار. ٸس-قيمىل يندەكسٸ – 266.
