قازاقستاننىڭ نيۋ-يوركتەگٸ بۇۇ جانىنداعى تۇراقتى ٶكٸلٸ ماعجان ٸليياسوۆ جاڭا تەحنولوگييالاردىڭ حالىقارالىق بەيبٸتشٸلٸك پەن قاۋٸپسٸزدٸككە ەسەرٸنە ارنالعان «اررييا فورمۋلاسى» بويىنشا بۇۇ قاۋٸپسٸزدٸك كەڭەسٸنٸڭ وتىرىسىنا قاتىستى. بۇل تۋرالى سٸم حابارلادى.
وتىرىسقا قاتىسۋشىلار جاساندى ينتەللەكت, تسيفرلىق تەحنولوگييالار مەن بيوتەحنولوگييالاردى قوسا العاندا, تەحنولوگييالاردىڭ قارقىندى دامۋى مەن قولدانىلۋىنا بايلانىستى ەلەم مەن جاھاندىق قاۋٸپسٸزدٸك ٷشٸن ارتىقشىلىقتار مەن سىن-تەگەۋرٸندەردٸ قاراستىردى.
جاڭا تەحنولوگييالار ادام پروگرەسٸنە ىقپال ەتەتٸنٸ, COVID-19 پاندەميياسىمەن كٷرەستە, مونيتورينگتە, بولجاۋدا جەنە قاشىقتىقتان دياگنوستيكالاۋدا ماڭىزدى رٶل اتقاراتىنى, اۋىل شارۋاشىلىعىنداعى, كٶلٸكتەگٸ پروبلەمالاردىڭ جاڭا شەشٸمدەرٸن قامتاماسىز ەتەتٸنٸ, سونداي-اق 2030 جىلعا دەيٸنگٸ كەزەڭگە ارنالعان تۇراقتى دامۋ سالاسىنداعى كٷن تەرتٸبٸن ٸسكە اسىرۋعا ىقپال ەتەتٸنٸ اتاپ ٶتٸلدٸ.
سونىمەن بٸرگە, ەلدەر اراسىنداعى تەڭگەرٸمسٸز دامۋ جەنە ٶسٸپ كەلە جاتقان تەحنولوگييالىق الشاقتىق, قارۋ-جاراق سالاسىندا تەحنولوگييالاردى باقىلاۋسىز قولدانۋ تەۋەكەلدەرٸ وسى سالاداعى حالىقارالىق ىنتىماقتاستىققا جاڭا تەسٸلدەر ەزٸرلەۋدٸ تالاپ ەتەدٸ.
وتىرىسقا قاتىسۋشىلار الدىندا سٶز سٶيلەگەن م. ٸليياسوۆ زاماناۋي بيوتەحنولوگييالاردى دامىتۋعا بايلانىستى تەۋەكەلدەردٸ اتاپ ٶتٸپ, بيوقاۋٸپسٸزدٸك سالاسىنداعى ىنتىماقتاستىقتى كٷشەيتۋگە شاقىردى.
«بٷگٸنگٸ تاڭدا بيولوگييالىق قارۋدى باقىلاۋ مەسەلەلەرٸ 1972 جىلعى بيولوگييالىق قارۋ تۋرالى كونۆەنتسييامەن رەتتەلەدٸ. بۇل قۇجات شامامەن 50 جىل بۇرىن قابىلدانعان جەنە سودان بەرٸ ونىڭ مازمۇنى ٶزگەرگەن جوق. بٷگٸنگٸ كٷنگە دەيٸن بەكٸتٸلگەن تەكسەرۋ تەتٸكتەرٸ بار بيولوگييالىق قاۋٸپسٸزدٸك مەسەلەلەرٸنە جاۋاپ بەرەتٸن تولىققاندى ۇيىم جوق. سوندىقتان قازاقستان پرەزيدەنتٸ قاسىم-جومارت توقاەۆ بۇۇ قاۋٸپسٸزدٸك كەڭەسٸنە تٸكەلەي ەسەپ بەرەتٸن مامانداندىرىلعان ورگان – حالىقارالىق بيولوگييالىق قاۋٸپسٸزدٸك اگەنتتٸگٸن قۇرۋدى ۇسىندى», – دەدٸ م. ٸليياسوۆ.
ول بۇۇ باس اسسامبلەياسىنىڭ 75-شٸ سەسسيياسى بارىسىندا ايتىلعان قازاقستان باسشىسىنىڭ باستاماسى بيوقاۋٸپسٸزدٸك تۋرالى عىلىمي دەرەكتەردٸ جيناۋ جەنە قورشاعان ورتاعا رۇقسات ەتٸلمەگەن كٸرۋدٸ بولدىرماۋ ٷشٸن قولدانىستاعى بيوماتەريالداردى باقىلاۋ ٷشٸن قۇزىرەتتٸ حالىقارالىق ورگاندى قالىپتاستىرۋعا باعىتتالعانىن ايتتى.
وتىرىسقا بۇۇ-عا مٷشە مەملەكەتتەردٸڭ 100-گە جۋىق ٶكٸلٸ, سونداي-اق بۇۇ باس حاتشىسىنىڭ ورىنباسارى, قارۋسىزداندىرۋ مەسەلەلەرٸ جٶنٸندەگٸ جوعارى ٶكٸلٸ يزۋمي ناكاميتسۋ, بۇۇ باس حاتشىسىنىڭ ساياساتتى ٷيلەستٸرۋ جەنە مەكەمەارالىق قاتىناستار مەسەلەلەرٸ جٶنٸندەگٸ كٶمەكشٸسٸ مارييا فرانچەسكا سپاتوليزانو جەنە ستوكگولم بەيبٸتشٸلٸك مەسەلەلەرٸن زەرتتەۋ ينستيتۋتىنىڭ اعا عىلىمي قىزمەتكەرٸ ۆينسەنت بۋلانين قاتىستى.
