قر مەدەنيەت جەنە سپورت ۆيتسە-مينيسترٸ سەرٸك جاراسباەۆ «قازاقستان بەيجٸڭدە ٶتەتٸن قىسقى وليمپياداعا باسقا ەلدەر سەكٸلدٸ ديپلوماتييالىق بويكوت جارييالاي ما?» دەگەن سۇراققا جاۋاپ بەردٸ, دەپ حابارلايدى قازاقپارات.
«كەيبٸر ەلدەردٸڭ بۇل مەسەلە بويىنشا ٶز ۇستانىمدارىن بٸلدٸرگەنٸ تٷسٸنٸكتٸ, بٸراق ەل پرەزيدەنتٸ قاسىم-جومارت توقاەۆ بٸزدٸڭ سپورتشىلارىمىزدى, قۇراما كوماندالاردىڭ كاپيتاندارىن جەنە پاراليمپياداشىلاردى قابىلداپ, ولارعا وليمپيادا ويىندارىنا اپاراتىن تۋدى تاپسىردى. ياعني, مۇندا ەشقانداي بويكوت تۋرالى سٶز جوق. وعان قوسا, سىرتقى ٸستەر مينيسترلٸگٸ پرەزيدەنتتٸڭ وليمپيادا ويىندارىنا قاتىسۋى مەسەلەسٸن پىسىقتاپ جاتىر. باق-تا بەيجٸڭ تاراپى ەل باسشىلىعىن رەسمي تٷردە شاقىرعانى تۋرالى اقپارات بولدى. وسىعان بايلانىستى, وليمپياداعا تولىققاندى قاتىساتىنىمىزدى ايتقىم كەلەدٸ, بٸزدە كەيبٸر ەلدەر كٶتەرگەن مەسەلەلەرگە قاتىسۋعا ەش نەگٸز جوق», - دەدٸ سەرٸك جاراسباەۆ.
سونىمەن بٸرگە, بۇل مەسەلەگە ۇلتتىق وليمپيادا كوميتەتٸنٸڭ ٶكٸلٸ دە پٸكٸر بٸلدٸردٸ.
«كٷرٸش پەن كٷرمەكتٸ – سپورت پەن ٷلكەن ساياساتتى اجىراتا بٸلۋ كەرەك. بۇل مەسەلەدە دە ەكٸ تٷرلٸ نەرسە بار. بٸز مۇندا ەكٸ تٷرلٸ ەلەمنٸڭ قاقتىعىسىن كٶرٸپ وتىرمىز جەنە سەيكەسٸنشە ەرقايسىسى ٶزٸنشە ەرەكەت ەتەدٸ. بٸز ساياساتتى ەمەس, سپورتتى ويلايمىز. بۇل جەردە بٸزدٸڭ ۇستانىمىمىز بٸردەي», - دەدٸ قازاقستان ۇوك باس حاتشىسى اندرەي كريۋكوۆ.
