فوتو: قر وام
بٷگٸن ورتالىق كوممۋنيكاتسييالار قىزمەتٸنٸڭ الاڭىندا قازاقستان رەسپۋبليكاسى وقۋ-اعارتۋ مينيسترلٸگٸنٸڭ ٶكٸلدەرٸ «قازاقستان بالالارى» اتتى 2026–2030 جىلدارعا ارنالعان تۇجىرىمدامانى تانىستىردى, دەپ حابارلايدى Ult.kz.
تۇجىرىمدامانىڭ ەزٸرلەنۋٸ
اتالعان قۇجات مەملەكەت باسشىسىنىڭ تاپسىرماسىمەن بالا قۇقىقتارى جٶنٸندەگٸ ۋەكٸلمەن جەنە تيٸستٸ مەملەكەتتٸك ورگاندارمەن بٸرلەسٸپ ەزٸرلەنگەن. العاش رەت بالالاردىڭ قاۋٸپسٸزدٸگٸن قامتاماسىز ەتۋگە, بٸلٸم الۋعا, دەنساۋلىعىن قورعاۋعا, سونداي-اق وتباسىن قولداۋ مەن ەلەۋمەتتٸك قورعاۋعا باعىتتالعان بارلىق قولدانىستاعى شارالار مەن باعدارلامالار بٸر جٷيەلٸ قۇجاتقا بٸرٸكتٸرٸلدٸ.
بالالار سانى جەنە دەموگرافييالىق جاعداي
بريفينگ بارىسىندا قازاقستاندا شامامەن 6,9 ملن بالا تۇراتىنى ايتىلدى. بۇل ەل حالقىنىڭ جالپى سانىنىڭ 34 پايىزىنا تەڭ. سوڭعى 10 جىلدا بالالار سانى 1,5 ملن-عا ارتقان, بۇل تۇراقتى دەموگرافييالىق ٶسٸمدٸ جەنە بالالىق شاق سالاسىنداعى مەملەكەتتٸك ساياساتتىڭ ٶزەكتٸلٸگٸن كٶرسەتەدٸ.
تٶرت باسىم باعىت
تۇجىرىمداما بالا قۇقىقتارىنىڭ نەگٸزگٸ باعىتتارىن قامتيتىن تٶرت باسىم باعىتتان تۇرادى:
بالالاردىڭ قاۋٸپسٸزدٸگٸ;
ساپالى بٸلٸم الۋ قۇقىعى;
دەنساۋلىقتى قورعاۋ;
وتباسى جەنە ەلەۋمەتتٸك قورعاۋ سالاسىنداعى قۇقىقتار.
قۇجاتتىڭ تيٸمدٸلٸگٸن باعالاۋ ٷشٸن 10 ينديكاتور بەلگٸلەنٸپ, ونى ٸسكە اسىرۋ 158 ٸس-شارا ارقىلى قامتاماسىز ەتٸلەدٸ.
بالالاردىڭ قاۋٸپسٸزدٸگٸ
قۇجاتتا بالالاردىڭ قاۋٸپسٸزدٸگٸنە ەرەكشە نازار اۋدارىلعان. قازٸرگٸ تاڭدا ەلدە پسيحولوگييالىق قولداۋ ورتالىقتارى جۇمىس ٸستەيدٸ, بارلىق مەكتەپتەردە قاۋٸپسٸزدٸك ساباقتارى ەنگٸزٸلگەن, سونداي-اق «111» بايلانىس ورتالىعى قىزمەت كٶرسەتۋدە.
تۇجىرىمداما اياسىندا زورلىق-زومبىلىقتان زارداپ شەككەن بالالارعا كٶمەك كٶرسەتۋ ينفراقۇرىلىمىن دامىتۋ, تەۋەكەلدەردٸ ەرتە انىقتاۋعا ارنالعان تسيفرلىق قۇرالداردى ەنگٸزۋ جەنە پسيحولوگييالىق ەرٸ مەنتورلىق سٷيەمەلدەۋدٸ كەڭەيتۋ جوسپارلانىپ وتىر.
تسيفرلاندىرۋ
تۇجىرىمدامانىڭ جەكە بٶلٸمٸ تسيفرلاندىرۋعا ارنالعان. 2027 جىلدان باستاپ mGov پلاتفورماسىندا مەملەكەتتٸك قولداۋ شارالارىن بٸرىڭعاي ەسەپكە الاتىن جەنە وتباسىلاردىڭ قايتا جٷگٸنۋٸنسٸز بالانى ۆەدومستۆوارالىق سٷيەمەلدەۋدٸ قامتاماسىز ەتەتٸن «بالانىڭ جولى» تسيفرلىق جٷيەسٸ ەنگٸزٸلەدٸ.
بٸلٸم جەنە ەلەۋمەتتٸك ساياسات
بٸلٸم بەرۋ سالاسىندا مەكتەپكە دەيٸنگٸ جەنە ينكليۋزيۆتٸ بٸلٸم بەرۋدٸ دامىتۋ, ينفراقۇرىلىمدى جاڭعىرتۋ, بٸلٸم بەرۋ ۇيىمدارىنىڭ ساپاسى مەن جاۋاپكەرشٸلٸگٸن ارتتىرۋ جۇمىستارى جالعاسادى.
ەلەۋمەتتٸك سالادا بالالار ٷيلەرٸندەگٸ تەربيەلەۋ مودەلٸنەن وتباسىلىق ورنالاستىرۋ نىساندارىنا كٶشۋ, تەلٸمگەرلٸكتٸ دامىتۋ جەنە اتاۋلى قولداۋدى كٷشەيتۋگە باسىمدىق بەرٸلەدٸ.
كٷتٸلەتٸن نەتيجە
«قازاقستان بالالارى» تۇجىرىمداماسىن ٸسكە اسىرۋ بالالاردىڭ قۇقىقتارى مەن ەل-اۋقاتىن قورعاۋدىڭ تۇتاس ەرٸ ورنىقتى جٷيەسٸن قالىپتاستىرۋعا, ەلەۋمەتتٸك جەنە بٸلٸم بەرۋ قىزمەتتەرٸنە تەڭ قولجەتٸمدٸلٸكتٸ قامتاماسىز ەتۋگە, ەربٸر بالانىڭ دامۋىنا قاۋٸپسٸز ورتا قۇرۋعا جەنە ۇزاق مەرزٸمدٸ ەلەۋمەتتٸك تەۋەكەلدەردٸ ازايتۋعا مٷمكٸندٸك بەرەدٸ.
ەسكە سالا كەتەيٸك, 2025 جىلعى 27 قاڭتاردا قازاقستان رەسپۋبليكاسى ٷكٸمەتٸنٸڭ وتىرىسىندا «قازاقستان بالالارى» 2026–2030 جىلدارعا ارنالعان تۇجىرىمداماسى رەسمي تٷردە بەكٸتٸلگەن.
