قازاقستان باقىتتىلىق دەڭگەيٸ بويىنشا ەۋرازييا ەكونوميكالىق وداعىنىڭ ەلدەرٸن, سونىڭ ٸشٸندە رەسەيدٸ باسىپ وزىپ, رەيتينگتٸڭ 50-شٸ پوزيتسيياسىنا ورنالاستى. سونداي-اق قازاقستاندا ەر ادامدار ەيەلدەرگە قاراعاندا ٶزدەرٸن باقىتتىراق سەزٸنەتٸنٸ انىقتالدى. بۇل تۋرالى finprom.kz سايتى حابارلادى.
قر ۇلتتىق ەكونوميكا مينيسترلٸگٸنٸڭ ستاتيستيكا كوميتەتٸ جىل سايىن «حالىقتىڭ ٶمٸر ساپاسى» تاقىرىبىندا حالىق اراسىندا ساۋالناما ٶتكٸزەدٸ. ٸشٸنارا جٷرگٸزٸلگەن زەرتتەۋگە سەيكەس, رەسپوندەنتتەردٸڭ 63,5% ٶز ٶمٸرٸنە قاناعاتتانادى. بۇل رەتتە, اۋىل تۇرعىندارى (72,6%) قالادا تۇراتىن (58,4%) قازاقستاندىقتارعا قاراعاندا ٶز ٶمٸرلەرٸنە اناعۇرلىم ريزا. ونىمەن بٸر مەزگٸلدە, سۇراقتارعا جاۋاپ بەرگەندەر اراسىندا تاعدىرىنا قاناعات ەتكەن ەر ادامدار (61,8%) ەيەلدەرگە قاراعاندا (58,5%) كٶپ بولىپ شىقتى.
ايتا كەتەيٸك, 2019 جىلى رەسپوندەنتتەردٸڭ 60% ٶمٸرلەرٸنٸڭ ساپاسىنا ريزا بولسا, 2018 جىلى بۇل كٶرسەتكٸش 56,5% كٶرسەتتٸ.
قازاقستان 2020 جىلى باقىتتىلىق دەڭگەيٸ بويىنشا ەلەمدٸك رەيتينگتە (World Happiness Report) 10 ورىنعا كٶتەرٸلٸپ, 153 ەلدٸڭ اراسىندا 50-ٸنشٸ ورىنعا تۇراقتادى. بۇل رەتتە, ەاەو ەلدەرٸ اراسىندا قازاقستان بٸرٸنشٸ ورىن الىپ وتىر. ودان كەيٸن رەسەي (73-ورىن), قىرعىزستان (74-ورىن), بەلارۋس (75-ورىن), ارمەنييا (116-ورىن) ورنالاسقان.
باقىتتىلىق دەڭگەيٸ بويىنشا ەلەمدٸك رەيتينگ – بۇل ەلەم ەلدەرٸ حالقىنىڭ باقىتتى بولۋ كٶرسەتكٸشٸن انىقتايتىن حالىقارالىق زەرتتەۋ جوباسى. ونى قۇرۋ بارىسىندا حالىقتىڭ جان باسىنا شاققانداعى ٸجٶ دەڭگەيٸ, ٶمٸر سٷرۋ ۇزاقتىعى, ازاماتتىق بوستاندىقتاردىڭ بولۋى, قاۋٸپسٸزدٸكتٸ سەزٸنۋ جەنە ەرتەڭگٸ كٷنگە دەگەن سەنٸم دەڭگەيٸ, وتباسىلىق تۇراقتىلىق, جۇمىسپەن قامتۋ كەپٸلدٸگٸ, جەمقورلىق كٶرسەتكٸشٸ, سونداي-اق سەنٸمدلٸك, كەڭپەيٸلدٸلٸك, جومارتتىق سىندى قوعامنىڭ جاناما قاسيەتتەرٸ نازارعا الىنادى.
بيىلعى رەيتينگتٸڭ باسىندا بۇعان دەيٸنگٸ جىلدارداعى سىندى فينلياندييا مەملەكەتٸ تۇر. ٷزدٸك وندىق قاتارىنا: دانييا, شۆەيتسارييا, يسلاندييا, نورۆەگييا, نيدەرلاندى, شۆەتسييا, جاڭا زەلاندييا, اۆسترييا جەنە ليۋكسەمبۋرگ ەنگەن.
ستاتيستيكاعا سەيكەس, ٶزدەرٸن باقىتسىز سانايتىن حالىق زيمبابۆە, وڭتٷستٸك سۋدان جەنە اۋعانستاندا تۇرادى.
