فوتو: اقوردا
قاسىم-جومارت توقاەۆ اقش-قا جۇمىس ساپارى اياسىندا Boeing كومپانيياسىنىڭ اتقارۋشى ۆيتسە-پرەزيدەنتٸ دجەفف شوككي-دٸ قابىلدادى, دەپ حابارلايدى Ult.kz.
كەزدەسۋ بارىسىندا اۆياتسييا, قورعانىس جەنە عارىش تەحنيكاسىن شىعاراتىن ترانسۇلتتىق كورپوراتسييامەن ىنتىماقتاستىقتى كەڭەيتۋ مەسەلەلەرٸ قاراستىرىلدى.
پرەزيدەنت وتاندىق Air Astana, SCAT Airlines جەنە Vietjet Qazaqstan ەۋە كومپانييالارىنىڭ قازاقستانداعى اۆياتسييا سالاسىن دامىتۋعا باعىتتالعان بٸرلەسكەن جوبالاردى ودان ەرٸ ٸلگەرٸلەتۋگە مٷددەلٸ ەكەنٸن اتاپ ٶتتٸ.
مەملەكەت باسشىسى Air Astana مەن Boeing اراسىندا ۇشاق جەتكٸزۋ جٶنٸندەگٸ كەلٸسٸمگە قول قويىلعانىن قۇپتادى. جوسپارعا سەيكەس, بيىل جىل سوڭىنا دەيٸن اقش-قا تٸكەلەي ەۋە رەيسٸن اشۋ ٷشٸن قازاقستانعا Boeing 787 Dreamliner ۇشاقتارى جەتكٸزٸلەدٸ.
سونىمەن قاتار SCAT ەۋە كومپانيياسى قوسىمشا Boeing ۇشاقتارىن ساتىپ الۋدى كٶزدەپ وتىر. بۇدان بٶلەك, امەريكالىق كورپوراتسييامەن سەرٸكتەستٸك اياسىندا شىمكەنت ەۋەجايىندا العاشقى تەحنيكالىق قىزمەت كٶرسەتۋ جەنە جٶندەۋ ورتالىعىن اشۋ مٷمكٸندٸگٸ قاراستىرىلۋدا.
دجەفف شوككي كومپانييانىڭ تسيفرلاندىرۋ باعىتىنداعى جوسپارلارىمەن بٶلٸسٸپ, قازاقستاننىڭ كٶلٸك-ترانزيتتٸك ەلەۋەتٸنە جوعارى باعا بەردٸ. ونىڭ ايتۋىنشا, ەۋە جٷك تاسىمالى سالاسىندا ٶزارا تيٸمدٸ ىنتىماقتاستىقتى دامىتۋعا مٷمكٸندٸك مول.
كەزدەسۋ بارىسىندا اۆياتسييا سالاسىنا ماماندار دايارلاۋ جەنە ەلٸمٸزدەگٸ جٷك تاسىمالداۋشى ۇشاقتار پاركٸن كەڭەيتۋ پەرسپەكتيۆاسى دا تالقىلاندى.
