Foto: Aqorda
Qasym-Jomart Toqaev AQSh-qa jumys sapary aiasynda Boeing kompaniiasynyń atqarýshy vitse-prezidenti Djeff Shokki-di qabyldady, dep habarlaidy Ult.kz.
Kezdesý barysynda aviatsiia, qorǵanys jáne ǵarysh tehnikasyn shyǵaratyn transulttyq korporatsiiamen yntymaqtastyqty keńeitý máseleleri qarastyryldy.
Prezident otandyq Air Astana, SCAT Airlines jáne Vietjet Qazaqstan áýe kompaniialarynyń Qazaqstandaǵy aviatsiia salasyn damytýǵa baǵyttalǵan birlesken jobalardy odan ári ilgeriletýge múddeli ekenin atap ótti.
Memleket basshysy Air Astana men Boeing arasynda ushaq jetkizý jónindegi kelisimge qol qoiylǵanyn quptady. Josparǵa sáikes, biyl jyl sońyna deiin AQSh-qa tikelei áýe reisin ashý úshin Qazaqstanǵa Boeing 787 Dreamliner ushaqtary jetkiziledi.
Sonymen qatar SCAT áýe kompaniiasy qosymsha Boeing ushaqtaryn satyp alýdy kózdep otyr. Budan bólek, amerikalyq korporatsiiamen seriktestik aiasynda Shymkent áýejaiynda alǵashqy tehnikalyq qyzmet kórsetý jáne jóndeý ortalyǵyn ashý múmkindigi qarastyrylýda.
Djeff Shokki kompaniianyń tsifrlandyrý baǵytyndaǵy josparlarymen bólisip, Qazaqstannyń kólik-tranzittik áleýetine joǵary baǵa berdi. Onyń aitýynsha, áýe júk tasymaly salasynda ózara tiimdi yntymaqtastyqty damytýǵa múmkindik mol.
Kezdesý barysynda aviatsiia salasyna mamandar daiarlaý jáne elimizdegi júk tasymaldaýshy ushaqtar parkin keńeitý perspektivasy da talqylandy.
