فوتو: rudnyi-altai.kz
2024 جىلى قازاقستان اۋىلدارىنداعى حالىقتىڭ ميگراتسييالىق سالدوسى (-111,4 مىڭ ادام) تەرٸس كٶرسەتكٸشكە جەتتٸ. بۇل سوڭعى 25 جىلداعى ەڭ تٶمەنگٸ نەتيجە بولىپ وتىر. مۇنداي كٶرسەتكٸش سوڭعى رەت 2000 جىلى تٸركەلگەن ەدٸ, دەپ حابارلايدى Ult.kz DATA HUB Telegram ارناسىنا سٸلتەمە جاساپ.
نەگٸزگٸ مەلٸمەتتەر:
- ميگراتسييالىق سالدو (اۋىلدان كەتكەندەر مەن كەلگەندەر اراسىنداعى ايىرماشىلىق) جىل سايىن تەرٸس مەن كٶرسەتٸپ كەلەدٸ. بٸراق بيىلعى جاعداي ەرەكشە, ٶيتكەنٸ ايىرماشىلىق ون مىڭداعان ەمەس, جٷز مىڭداعان ادامعا جەتتٸ.
- ميگراتسييالىق سالدو بارلىق ٶڭٸردە تەرٸس بولعانىمەن, تەك الماتى وبلىسى (+7,6 مىڭ ادام) مەن اتىراۋ وبلىسىندا (+275 ادام) عانا وڭ نەتيجە بايقالدى.
تٷركٸستان وبلىسى كٶشباسشى
اۋىلداردان كٶشۋ كٶرسەتكٸشٸنە ەڭ كٶپ ٷلەس قوسقان ٶڭٸر – تٷركٸستان وبلىسى. بۇل ٶڭٸردەن -29,2 مىڭ ادام كٶشٸپ كەتكەن, بۇل جالپى تەرٸس كٶرسەتكٸشتٸڭ 26%-ىن قۇرايدى.
تابيعي ٶسٸم جاعدايدى قۇتقارا المادى
اۋىلدارداعى تابيعي ٶسٸم (تۋۋ مەن ٶلٸم اراسىنداعى ايىرماشىلىق) 96,8 مىڭ ادامدى قۇراسا دا, ول تەرٸس ميگراتسييانى ٶتەي المادى. وسىلايشا, اۋىل حالقى ٶتكەن جىلمەن سالىستىرعاندا -14,6 مىڭ ادامعا ازايدى.
ۋربانيزاتسييا دەڭگەيٸ ٶسۋدە
كەرٸسٸنشە, قالالىق حالىق سانى +266,8 مىڭ ادامعا كٶبەيٸپ, ەلدەگٸ ۋربانيزاتسييا دەڭگەيٸ جاڭا رەكورد ورناتتى. قازٸرگٸ ۋاقىتتا قالالىق حالىقتىڭ ٷلەسٸ 63%-عا جەتتٸ, بۇل 2000 جىلدان بەرگٸ ەڭ جوعارى كٶرسەتكٸش.
