Foto: rudnyi-altai.kz
2024 jyly Qazaqstan aýyldaryndaǵy halyqtyń migratsiialyq saldosy (-111,4 myń adam) teris kórsetkishke jetti. Bul sońǵy 25 jyldaǵy eń tómengi nátije bolyp otyr. Mundai kórsetkish sońǵy ret 2000 jyly tirkelgen edi, dep habarlaidy Ult.kz DATA HUB Telegram arnasyna silteme jasap.
Negizgi málimetter:
- Migratsiialyq saldo (aýyldan ketkender men kelgender arasyndaǵy aiyrmashylyq) jyl saiyn teris mán kórsetip keledi. Biraq biylǵy jaǵdai erekshe, óitkeni aiyrmashylyq on myńdaǵan emes, júz myńdaǵan adamǵa jetti.
- Migratsiialyq saldo barlyq óńirde teris bolǵanymen, tek Almaty oblysy (+7,6 myń adam) men Atyraý oblysynda (+275 adam) ǵana oń nátije baiqaldy.
Túrkistan oblysy kóshbasshy
Aýyldardan kóshý kórsetkishine eń kóp úles qosqan óńir – Túrkistan oblysy. Bul óńirden -29,2 myń adam kóship ketken, bul jalpy teris kórsetkishtiń 26%-yn quraidy.
Tabiǵi ósim jaǵdaidy qutqara almady
Aýyldardaǵy tabiǵi ósim (týý men ólim arasyndaǵy aiyrmashylyq) 96,8 myń adamdy qurasa da, ol teris migratsiiany ótei almady. Osylaisha, aýyl halqy ótken jylmen salystyrǵanda -14,6 myń adamǵa azaidy.
Ýrbanizatsiia deńgeii ósýde
Kerisinshe, qalalyq halyq sany +266,8 myń adamǵa kóbeiip, eldegi ýrbanizatsiia deńgeii jańa rekord ornatty. Qazirgi ýaqytta qalalyq halyqtyń úlesi 63%-ǵa jetti, bul 2000 jyldan bergi eń joǵary kórsetkish.
