قر قورعانىس مينيسترلٸگٸ حالىقارالىق ىنتىماقتاستىق دەپارتامەنتٸنٸڭ باستىعى ولجاس قۇسايىنوۆ ۇقشۇ بٸتٸمگەرلٸك ميسسيياسىنىڭ قازاقستان اۋماعىندا قانداي جۇمىس تىندىرعانىن ايتتى, دەپ حابارلايدى قازاقپارات.
«وقيعالاردىڭ قارقىندى ٶربۋٸنە بايلانىستى, بٸتٸمگەرلەردٸڭ بٶلٸمشەلەرٸ ەلگە 6-شى قاڭتاردا كەلە باستادى.
قىسقا مەرزٸمدە رەسەيدٸڭ ەسكەري-كٶلٸك اۆياتسيياسىن پايدالانا وتىرىپ, ەكٸ مىڭنان استام ادام مەن 250 بٸرلٸك تەحنيكا جەتكٸزٸلدٸ.
سونىمەن قاتار قازاقستاننىڭ قارۋلى كٷشتەرٸ بٸتٸمگەرشٸلٸك كونتينگەنتتٸڭ قاۋٸپسٸز كەلۋٸن قامتاماسىز ەتتٸ. ەۋە شابۋىلىنا قارسى قورعانىس كٷشتەرٸ قازاقستان اۋماعى ٷستٸنەن ەسكەري-كٶلٸك اۆياتسيياسىنىڭ ۇشۋ قاۋٸپسٸزدٸگٸن قاداعالادى. دەسانتتىق-شابۋىلداۋ ەسكەرلەرٸ ۇجىمدىق بٸتٸمگەرشٸلٸك كٷشتەرٸنٸڭ نەگٸزگٸ بٶلٸمشەلەرٸ كەلگەن الماتى قالاسىنىڭ ەۋەجايىن كٷزەتۋگە جەنە قورعاۋعا الدى. بٸتٸمگەرلەردٸڭ ەسكەري تەحنيكا لەكتەرٸنٸڭ قوزعالىسىمەن ٸلەسٸپ جٷرۋ ۇيىمداستىرىلدى», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
ايتۋىنشا, ۇجىمدىق بٸتٸمگەرشٸلٸك كٷشتەرٸ شتابى قر قارۋ كٷشتەرٸ باس شتابىنىڭ جەدەل توبىمەن, الماتى قالاسىنىڭ كومەنداتۋراسىمەن, تەرروريزمگە قارسى كٷرەس جٶنٸندەگٸ الماتى قالالىق جەدەل شتابىمەن ٷنەمٸ اقپارات الماسىپ وتىرعان.
«ۇجىمدىق بٸتٸمگەرشٸلٸك كٷشتەر جەدەل ٶرٸستەتٸلٸپ, ەلٸمٸزدٸڭ مەملەكەتتٸك ورگاندارىمەن كەلٸسٸم بويىنشا ولارعا جٷكتەلگەن ستراتەگييالىق وبەكتٸلەردٸ قورعاۋ مٸندەتتەرٸن ورىنداۋعا كٸرٸستٸ.
كونتينگەنتتەر ەۋەجايلاردى, ەسكەري قويمالاردى جەنە ازاماتتاردىڭ ٶمٸرٸن قامتاماسىز ەتەتٸن باسقا دا ستراتەگييالىق نىسانداردى قالقالاۋ جەنە ولاردىڭ قاۋٸپسٸزدٸگٸن قامتاماسىز ەتۋ قىزمەتتەرٸن اتقاردى.
بۇل شارالار تەرروريزمگە قارسى وپەراتسييانى تٸكەلەي جٷرگٸزۋ ٷشٸن كٷشتەر مەن قۇرالداردىڭ ەدەۋٸر بٶلٸگٸن بوساتۋعا مٷمكٸندٸك بەرٸپ, تەرروريستٸك بەلسەندٸلٸكتٸڭ تۇتاستاي تٶمەندەۋٸنە ىقپال ەتتٸ», - دەدٸ مينيسترلٸكتٸڭ حالىقارالىق ىنتىماقتاستىق دەپارتامەنت باستىعى.
