قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ەلدە اتوم ەلەكتر ستانتسيياسى سالىناتىنىن ايتتى, دەپ حابارلايدى Sputnik.
"قازاقستان اتوم ەلەكتر ستانتسيياسىن سالاتىن بولادى. ول ٷشٸن مەردٸگەر مەن تەحنولوگييانى تاڭداۋ قاجەت. قازٸر رەسەي, جاپونييا, وڭتٷستٸك كورەيا مەن امەريكالىق كومپانييا قۇرىلىس جٷرگٸزۋگە نيەت بٸلدٸرٸپ وتىر. ونى قاي جەردە سالۋعا بولاتىنىن قاراستىرىپ جاتىرمىز", - دەدٸ نازارباەۆ وليۆەر ستوۋننىڭ "Qazaq: history of the golden man" دەرەكتٸ فيلمٸنە بەرگەن سۇحباتىندا.
ەلباسى اتوم ەلەكتر ستانتسيياسى قازاقستانعا ەنەرگييا تاپشىلىعى مەسەلەسٸن شەشۋ ٷشٸن قاجەت ەكەنٸن اتاپ ٶتتٸ.
"قازٸرگٸ كٷنٸ بٸزدە ەلەكتر ەنەرگيياسىندا تاپشىلىق جوق. كەرٸسٸنشە ارتىق. مۇناي, گاز بەن كٶمٸر ٶندٸرەتٸن ەلمٸز. الايدا اتوم ەلەكتر ستانتسيياسىنىڭ قۇرىلىسى 7-8 جىل جٷرگٸزٸلەتٸندٸكتەن, ول كەزگە دەيٸن تاپشىلىق تۋىنداۋى مٷمكٸن", - دەدٸ ول.
نازارباەۆ سونىمەن قاتار اەس قۇرىلىسىن رەسەي جٷرگٸزگٸسٸ كەلەتٸنٸن جەنە قازاقستاننىڭ باسقا ەلمەن كەلٸسٸم جاساپ جاتپاعانىن جيٸ سۇرايتىنىن اتاپ ٶتتٸ.
"بۇل جٶنٸندە ارنايى كوميسسييا بار. سول كوميسسييا ستانتسييانى قاي جەردە جەنە قاشان سالىناتىنىن شەشەدٸ. قازٸر بۇل نٶمٸر بٸرٸنشٸ مەسەلە ەمەس. دەگەنمەن بٸز اەس سالاتىن بولامىز", - دەدٸ ول.
قازاقستان پرەزيدەنتٸ قاسىم-جومارت توقاەۆ تا ەلدە اەس سالۋ قاجەتتٸلٸگٸ تۋرالى بٸرنەشە رەت ايتقان بولاتىن.
"ٶز باسىم بۇل مەسەلەنٸ ناقتى قاراستىراتىن كەز كەلدٸ دەپ سانايمىن. ٶيتكەنٸ قازاقستانعا اتوم ستانساسى قاجەت", - دەدٸ توقاەۆ ۆلاديۆوستوكتا ٶتكەن شىعىس ەكونوميكالىق فورۋمىندا.
پرەزيدەنت ٶز جولداۋىندا قازاقستاندا اتوم ەنەرگەتيكاسىن قۇرۋ مٷمكٸندٸگٸن جان-جاقتى زەرتتەۋدٸ تاپسىرعانىن ەسكە سالدى.
