ەلٸمٸزدەگٸ زاڭسىز كٶشٸ-قونعا قارسى كٷرەس مەسەلەسٸ بٷگٸن سەناتتا قارالدى, دەپ حابارلايدى قازاقپارات.
«بٸز بٷگٸندە 14 ەلمەن زاڭسىز كٶشٸ-قونعا قارسى كٷرەس جٶنٸندەگٸ بٸرلەسكەن كەلٸسٸمدٸ ەزٸرلەدٸك. قازٸرگٸ ۋاقىتتا ونىڭ بەسەۋٸنە قول قويىلدى. ولاردىڭ قاتارىندا قىرعىزستان, ٶزبەكستان, ەزەربايجان, بەلارۋس ەلٸ بار. جەنە سەگٸزٸ بٸزدٸڭ كونتراگەنتتەردٸڭ قاراۋىندا. اتالعان ەلدەردٸڭ ٸشٸندە كٶرشٸلەرٸمٸز رەسەي مەن قىتاي دا بار. ودان بٶلەك, بيىل ارمەنييامەن دە كٶشٸ-قون بويىنشا كەلٸسٸمگە كەلمەكپٸز. بٷگٸندە اتالعان ەلدەر تيٸستٸ رەسٸمدەرٸن ٶتكٸزٸپ جاتىر», - دەدٸ قر ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆ.
ۆيتسە-مينيستردٸڭ مەلٸمدەۋٸنشە, اتالعان كەلٸسٸمدەر زاڭسىز كٶشٸ-قوننىڭ الدىن الۋمەن قاتار سىرتتان كەلەتٸن جۇمىس كٷشٸ كٶلەمٸن انىقتاۋعا ىقپالىن تيگٸزەدٸ.
«كٶرشٸ ەلدەرمەن قارىم-قاتىناستى زاڭداستىرعانىمىز جٶن, ەسٸرەسە ەكٸ الىپ كٶرشٸمٸز قىتاي جەنە رەسەي ەلٸمەن. بۇل ەلدەردەن كەلٸپ جاتقان ەڭبەك ميگرانتتارىنىڭ جاعدايى بەرٸمٸزگە بەلگٸلٸ. سوندىقتان بۇل مينيسترلٸكتٸڭ باستى نازارىندا بولاتىن مەسەلەلەردٸڭ بٸرٸ دەپ ەسەپتەيمٸن», - دەدٸ قر پارلامەنتٸ سەناتىنىڭ دەپۋتاتى مۇحتار قۇل-مۇحاممەد.
ايتا كەتسەك, بٷگٸن سەناتتىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ كەڭەيتٸلگەن وتىرىسىندا «قازاقستان رەسپۋبليكاسى ٷكٸمەتٸ مەن ٶزبەكستان رەسپۋبليكاسى ٷكٸمەتٸ اراسىندا زاڭسىز كٶشٸ-قونعا قارسى كٷرەستە ىنتىماقتاسۋ جٶنٸندەگٸ كەلٸسٸمدٸ راتيفيكاتسييالاۋ تۋرالى» زاڭ جوباسى قارالدى.
