فوتو: t.me/kazakhmys_news
«قازاقمىستا» 2026-2028 جىلدارعا ارنالعان مينەرالدىق-شيكٸزات بازاسىن دامىتۋ جەنە ٶندٸرٸستٸك قىزمەت جوسپارى بەكٸتٸلدٸ. كومپانييا قوردى تولىقتىرۋ جەنە جۇمىس ٸستەپ تۇرعان كەسٸپورىنداردا تۇراقتى ٶندٸرٸستٸ قامتاماسىز ەتۋ باعىتىندا جۇمىس جٷرگٸزۋدە.
بٷگٸنگٸ تاڭدا كەننٸڭ جيىنتىق قورى 551,8 ملن توننانى قۇرايدى. بۇل قور ٶندٸرٸستٸ شامامەن 16 جىل قامتاماسىز ەتۋگە جەتەدٸ دەپ باعالانۋدا. وسىعان بايلانىستى رەسۋرستىق بازانى كەڭەيتۋ جەنە كەن ورىندارىنىڭ پايدالانۋ مەرزٸمٸن ۇزارتۋ باسىم باعىتقا اينالۋدا.
2026-2028 جىلدار ارالىعىندا كەن قورى 365 ملن تونناعا ارتادى دەپ كٷتٸلۋدە. سونداي-اق مىستىڭ بالانستىق قورى 2 328 تونناعا ۇلعايادى دەپ بولجانۋدا.
بارلاۋ جەنە باعالاۋ جۇمىسى جەزقازعان, قاراعاندى جەنە بالقاش ٶڭٸرلەرٸندە, سونداي-اق قولدانىستاعى نىسانداردان 100-200 شاقىرىم راديۋستاعى جاڭا ۋچاسكەلەردە جٷرگٸزٸلۋدە. مۇنداي ەدٸس يگەرٸلگەن اۋماقتارعا جاقىن جەردە ينفراقۇرىلىمدى دامىتۋعا جەنە ينۆەستيتسييالىق تەۋەكەلدٸ تٶمەندەتۋگە مٷمكٸندٸك بەرەدٸ.
قوردى ۇلعايتۋ جۇمىسى ٶندٸرٸستٸك باعدارلامامەن تٸكەلەي بايلانىستى. 2026 جىلى 31,7 ملن توننا كەن ٶندٸرۋ, 33,1 ملن توننا كەن ٶڭدەۋ جەنە 254,6 مىڭ توننا مىس كونتسەنتراتىن شىعارۋ جوسپارلانعان.
سونىمەن قاتار دامۋ جەنە جاڭعىرتۋ جوبالارى ٸسكە اسىرىلۋدا. جەزقازعان ٶڭٸرٸندە «جىلاندى» جەنە «جومارت» كەنٸشتەرٸن كەڭەيتۋ جۇمىسى جالعاسۋدا. جەزقازعان كەن ورنىندا (شجك, وجك, بجك) ينجەنەرلٸك كوممۋنيكاتسييالاردى كٶشٸرۋ جەنە گەولوگييالىق بارلاۋ جۇمىسىن ەسكەرە وتىرىپ, ٶندٸرٸس كٶلەمٸ تۇراقتاندىرىلۋدا.
«قۇسمۇرىن» كەنٸشٸندە جۇمىستى قايتا باستاۋ قاراستىرىلۋدا, بۇل كاراعايلى فابريكاسىن الداعى 10 جىلدا شيكٸزاتپەن قامتاماسىز ەتۋگە مٷمكٸندٸك بەرەدٸ. «نۇرقازعان» كەنٸشٸن دامىتۋ جۇمىسى جٷرگٸزٸلۋدە, شاتىركٶل-جايساڭ كلاستەرٸنٸڭ تٶمەنگٸ قاباتتارىندا قورلاردى اشۋ جۇمىستارى جالعاسۋدا.
بالقاش ٶڭٸرٸندەگٸ «قوڭىرات» كەنٸشٸندە جۇمىستى جاڭعىرتۋ جوسپارلاندى. 2022-2025 جىلدارى جٷرگٸزٸلگەن گەولوگييالىق بارلاۋ جۇمىسىنىڭ قورىتىندىسىندا ساياق كەن ورنىندا 10 ملن توننا كەن قورى راستالدى. بۇل ونىڭ پايدالانۋ مەرزٸمٸن 2031-2042 جىلدارعا دەيٸن ۇزارتۋعا مٷمكٸندٸك بەرەدٸ.
جوبا تەك ٶندٸرۋ كٶلەمٸن قامتاماسىز ەتۋ ٷشٸن عانا ەمەس, سونىمەن قاتار تاۋ-كەن جۇمىسىن تۇراقتاندىرۋعا باعىتتالعان. گەومەحانيكالىق تۇراقتىلىق پەن جابدىقتى جاڭعىرتۋ ەرەكشە نازارعا الىنۋدا, بۇل بٸرقاتار كەن ورىندارىنىڭ پايدالانۋ مەرزٸمٸن 2032-2052 جىلدارعا دەيٸن ۇزارتۋعا مٷمكٸندٸك بەرەدٸ.
وسىلايشا, كومپانييا دامۋدىڭ كەشەندٸ مودەلٸن قۇرىپ, قورىن تولىقتىرادى, قولدانىستاعى قۋاتىن جاڭارتادى جەنە جاڭا نىسانداردى ٸسكە قوسادى. قوردى ارتتىرۋ جەنە كەنٸشتەردٸ جاڭعىرتۋ جۇمىسى بولاشاقتا كەن ٶندٸرۋ جەنە ٶڭدەۋ كٶلەمٸن تۇراقتى ۇستاپ تۇرۋعا مٷمكٸندٸك بەرەدٸ. ٶندٸرٸستٸك باعدارلاما كەسٸپورىنداردىڭ ونداعان جىلدارداعى تۇراقتى جۇمىسىن ەسەپكە الا وتىرىپ قۇرىلادى.
