فوتو: t.me/kazakhmys_news
«قازاقمىس» كورپوراتسيياسىندا 2026 جىلعا ارنالعان ٶندٸرٸستٸك قاۋٸپسٸزدٸك جەنە ەڭبەكتٸ قورعاۋ جوسپارى بەكٸتٸلدٸ. ول ٶندٸرٸستٸك ٷدەرٸس پەن تەحنيكالىق تەكسەرۋدٸ جەنە نەگٸزگٸ كەنٸشتەردەگٸ تەۋەكەلدەردٸ باعالاۋ نەتيجەسٸندە ەزٸرلەندٸ.
جەزقازعان ٶڭٸرٸنٸڭ ەڭبەك ۇجىمىمەن ٶتكەن جۇمىس كەزدەسۋٸندە كومپانييا باسشىلىعى قاۋٸپسٸزدٸكتٸ دامۋدىڭ باستى باسىمدىعى دەپ بەلگٸلەدٸ. بۇل ۇستانىم ناقتى شەشٸم مەن جىلدىق جوسپاردا بەكٸتٸلدٸ.
2026 جىلى كومپانييا جەكەلەگەن شارالارعا ەمەس, سىن-قاتەرمەن جٷيەلٸ جۇمىس ٸستەۋگە نازار اۋدارادى. جۇمىستى ۇيىمداستىرۋعا, وپەراتسييالاردى ورىنداۋ ستاندارتتارىنا, قىزمەتكەرلەردٸ وقىتۋعا جەنە باقىلاۋ قۇرالدارىنا قاتىستى ٶزگەرٸس ەنگٸزٸلەدٸ.
ٶندٸرٸستٸڭ ەڭ كٷردەلٸ جەنە تەۋەكەلٸ جوعارى ۋچاسكەسٸ رەتٸندە جەراستى جۇمىسىنا ەرەكشە نازار اۋدارىلادى. قاۋٸپسٸزدٸك مەسەلەسٸ تەحنيكانى جاڭعىرتۋمەن, ينۆەستيتسييامەن جەنە گەولوگييالىق بارلاۋ سالاسىن دامىتۋمەن قاتار قاراستىرىلادى. قاتاڭ باقىلاۋدى تالاپ ەتەتٸن وپەراتسييالار مەن فاكتورلاردىڭ تٸزٸمٸ انىقتالدى. ولارعا قوسىمشا تەكسەرۋ جەنە ستاندارتتى ساقتاۋ بويىنشا قاتاڭ تالاپ ەنگٸزٸلەدٸ. وسى شارالاردىڭ جٷزەگە اسىرىلۋىنا ٶندٸرٸستٸك الاڭداردىڭ باسشىلارى تٸكەلەي جاۋاپتى بولادى.
سونىمەن قاتار قايتالاناتىن جۇمىستار ٷشٸن ستاندارتتى وپەراتسييالىق رەسٸمدەر (سور) ەنگٸزٸلەدٸ. بٸرىڭعاي الگوريتمدەر قاتەلەردٸڭ سانىن جەنە ادام فاكتورىنىڭ ىقپالىن ازايتۋعا مٷمكٸندٸك بەرەدٸ.
بٷگٸندە پراكتيكالىق وقىتۋ باعدارلاماسى كەڭەيتٸلۋدە. ترەنينگتەر ناقتى ٶندٸرٸستٸك جاعدايدى تالداۋعا نەگٸزدەلەدٸ. جەلٸلٸك باسشىلاردى دايارلاۋعا ەرەكشە نازار اۋدارىلادى, سەبەبٸ ولار كٷندەلٸكتٸ قاۋٸپسٸزدٸك تالاپتارىنىڭ ساقتالۋىن باقىلايدى.
سونداي-اق ٶندٸرٸستٸك قاۋٸپسٸزدٸك دەڭگەيٸن ارتتىرۋ, قىزمەتكەرلەردٸ تەۋەكەلدەر جەنە ولاردىڭ الدىن الۋ شارالارى تۋرالى اقپاراتتاندىرۋ ماقساتىندا كومپانييا ەڭبەكتٸ قورعاۋ مەن ٶندٸرٸستٸك قاۋٸپسٸزدٸك سالاسىنداعى ٸشكٸ بايلانىستى كٷشەيتۋدە. وسى ٷشٸن وقىتۋ بەينەماتەريالدارى, تاقىرىپتىق باننەرلەر, پلاكاتتار, اقپاراتتىق گرافيكا جەنە تسيفرلىق كوممۋنيكاتسييا ارنالارى قولدانىلادى. بۇل قىزمەتكەرلەردٸ ىقتيمال قاۋٸپ, جۇمىستى قاۋٸپسٸز ورىنداۋ ەرەجەلەرٸ جەنە وقيعالاردىڭ الدىن الۋدىڭ وزىق تەجٸريبەسٸ تۋرالى دەر كەزٸندە حاباردار ەتۋگە باعىتتالعان.
اۋىسىم الدىنداعى مەديتسينالىق باقىلاۋدىڭ اۆتوماتتاندىرىلعان جٷيەسٸ ٸلكٸ جوبا رەتٸندە ٸسكە قوسىلادى. ول قىزمەتكەرلەردٸڭ جۇمىسقا دايىندىعىن وبەكتيۆتٸ باعالاۋعا جەنە دەنساۋلىق جاعدايىنا بايلانىستى تۋىنداۋى مٷمكٸن تەۋەكەل دەڭگەيٸن تٶمەندەتۋگە مٷمكٸندٸك بەرەدٸ. سونىمەن قاتار نۇسقاما مەن ٶندٸرٸستٸك تالقىلاۋ جٷرگٸزۋ فورماتى جاڭارتىلۋدا. وقىس وقيعانى تالداۋ جەنە ودان الىنعان ساباق تۇراقتى تەجٸريبەنٸڭ بٸر بٶلٸگٸنە اينالادى. كومپانييا ەربٸر جۇمىسكەردٸڭ ٶمٸرٸ مەن دەنساۋلىعىنا قاۋٸپ تٶنگەن جاعدايدا جۇمىستى توقتاتۋ قۇقىعىن راستايدى.
كومپانييادا قاۋٸپسٸزدٸك كٷندەلٸكتٸ باسقارۋشىلىق مٸندەت رەتٸندە قاراستىرىلادى. 2026 جىلى ٶندٸرٸستەگٸ نەتيجەلەر ٷشٸن باسشىلاردىڭ پراكتيكالىق ٸس-ەرەكەتٸ مەن جەكە جاۋاپكەرشٸلٸگٸنە ەرەكشە نازار اۋدارىلدى.
