Foto: t.me/kazakhmys_news
«Qazaqmys» korporatsiiasynda 2026 jylǵa arnalǵan óndiristik qaýipsizdik jáne eńbekti qorǵaý jospary bekitildi. Ol óndiristik úderis pen tehnikalyq tekserýdi jáne negizgi kenishterdegi táýekelderdi baǵalaý nátijesinde ázirlendi.
Jezqazǵan óńiriniń eńbek ujymymen ótken jumys kezdesýinde kompaniia basshylyǵy qaýipsizdikti damýdyń basty basymdyǵy dep belgiledi. Bul ustanym naqty sheshim men jyldyq josparda bekitildi.
2026 jyly kompaniia jekelegen sharalarǵa emes, syn-qatermen júieli jumys isteýge nazar aýdarady. Jumysty uiymdastyrýǵa, operatsiialardy oryndaý standarttaryna, qyzmetkerlerdi oqytýǵa jáne baqylaý quraldaryna qatysty ózgeris engiziledi.
Óndiristiń eń kúrdeli jáne táýekeli joǵary ýchaskesi retinde jerasty jumysyna erekshe nazar aýdarylady. Qaýipsizdik máselesi tehnikany jańǵyrtýmen, investitsiiamen jáne geologiialyq barlaý salasyn damytýmen qatar qarastyrylady. Qatań baqylaýdy talap etetin operatsiialar men faktorlardyń tizimi anyqtaldy. Olarǵa qosymsha tekserý jáne standartty saqtaý boiynsha qatań talap engiziledi. Osy sharalardyń júzege asyrylýyna óndiristik alańdardyń basshylary tikelei jaýapty bolady.
Sonymen qatar qaitalanatyn jumystar úshin standartty operatsiialyq rásimder (SOR) engiziledi. Biryńǵai algoritmder qatelerdiń sanyn jáne adam faktorynyń yqpalyn azaitýǵa múmkindik beredi.
Búginde praktikalyq oqytý baǵdarlamasy keńeitilýde. Treningter naqty óndiristik jaǵdaidy taldaýǵa negizdeledi. Jelilik basshylardy daiarlaýǵa erekshe nazar aýdarylady, sebebi olar kúndelikti qaýipsizdik talaptarynyń saqtalýyn baqylaidy.
Sondai-aq óndiristik qaýipsizdik deńgeiin arttyrý, qyzmetkerlerdi táýekelder jáne olardyń aldyn alý sharalary týraly aqparattandyrý maqsatynda kompaniia eńbekti qorǵaý men óndiristik qaýipsizdik salasyndaǵy ishki bailanysty kúsheitýde. Osy úshin oqytý beinematerialdary, taqyryptyq bannerler, plakattar, aqparattyq grafika jáne tsifrlyq kommýnikatsiia arnalary qoldanylady. Bul qyzmetkerlerdi yqtimal qaýip, jumysty qaýipsiz oryndaý erejeleri jáne oqiǵalardyń aldyn alýdyń ozyq tájiribesi týraly der kezinde habardar etýge baǵyttalǵan.
Aýysym aldyndaǵy meditsinalyq baqylaýdyń avtomattandyrylǵan júiesi ilki joba retinde iske qosylady. Ol qyzmetkerlerdiń jumysqa daiyndyǵyn obektivti baǵalaýǵa jáne densaýlyq jaǵdaiyna bailanysty týyndaýy múmkin táýekel deńgeiin tómendetýge múmkindik beredi. Sonymen qatar nusqama men óndiristik talqylaý júrgizý formaty jańartylýda. Oqys oqiǵany taldaý jáne odan alynǵan sabaq turaqty tájiribeniń bir bóligine ainalady. Kompaniia árbir jumyskerdiń ómiri men densaýlyǵyna qaýip tóngen jaǵdaida jumysty toqtatý quqyǵyn rastaidy.
Kompaniiada qaýipsizdik kúndelikti basqarýshylyq mindet retinde qarastyrylady. 2026 jyly óndiristegi nátijeler úshin basshylardyń praktikalyq is-áreketi men jeke jaýapkershiligine erekshe nazar aýdaryldy.
