فوتو: قازاقكونتسەرت
روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمىندا قازاق مەملەكەتتٸك سيمفونييالىق وركەسترٸنٸڭ «PAGANINI & BRUCH» اتتى مۋزىكالىق كەشٸ ٶتتٸ.
كونتسەرت يتالييالىق ۇلى سكريپكاشى جەنە كومپوزيتور نيككولو پاگانينيدٸڭ شىعارماسىمەن اشىلدى. كەش باعدارلاماسىندا كٶرەرمەن نازارىنا نيككولو پاگانينيدٸڭ cكريپكا مەن وركەسترگە ارنالعان №1 كونتسەرتٸ جەنە «ۆەنەتسييالىق كارناۆال» شىعارماسى, سونداي-اق, ماكس برۋحتىڭ ٷش بٶلٸمنەن تۇراتىن كونتسەرتٸ ۇسىنىلدى.
مۋزىكالىق كەشكە ساعادات ومارعازين جەنە داۆيدە الونيا قاتىستى. ساعادات ومارعازين – رەسپۋبليكالىق جەنە بايقاۋلاردىڭ لاۋرەاتى, اۆسترييادا ٶتكەن بەتحوۆەن اتىنداعى XIX حالىقارالىق سكريپكاشىلار بايقاۋىنىڭ جەڭٸمپازى. قازٸرگٸ ۋاقىتتا ول كٷلەش بايسەيٸتوۆا اتىنداعى قازاق ۇلتتىق ٶنەر ۋنيۆەرسيتەتٸنٸڭ مامانداندىرىلعان مۋزىكالىق مەكتەپتە قازاقستاننىڭ حالىق ەرتٸسٸ, پروفەسسور ايمان مۇساحادجاەۆانىڭ جەتەكشٸلٸگٸمەن بٸلٸم الۋدا. س. ومارعازين ەلدٸڭ اسپاپتىق ٶنەرٸن دامىتۋعا ەلەۋلٸ ٷلەس قوسىپ, ٸرٸ كونتسەرتتٸك جوبالارعا قاتىسادى جەنە اكادەمييالىق مۋزىكانى كەڭ اۋديتوريياعا ناسيحاتتاپ جٷر. كەش ديريجەرى - باحىتجان مۋساحودجاەۆا.
سونداي-اق, ٸس-شارادا ەۋروپانىڭ مۋزىكالىق اكادەمييالارىندا جوعارى باعاعا يە بولعان يتالييالىق سكريپكاشى دەۆيدە الونيانىڭ ۆيرتۋوزدى ورىنداۋى ەرەكشە اتموسفەرا سىيلادى. ەلەمدٸك ساحنالاردا تانىمال بولعان ول يتاليانىڭ ەڭ ٷزدٸك سكريپكاشىلارىنىڭ بٸرٸ. سونىمەن قاتار ناتالييا گۋتمان, ەليسو ۆيرسالادزە, برۋنو كانينو, دجەففري سۆان, ەنريكو پاچە, روبەرتو پروسەدا سەكٸلدٸ ۇلى مۋزىكانتتارمەن بٸرگە بٸر ساحنادا ٶنەر كٶرسەتتٸ. ماەسترو دجۋليانو كارمينولا ونى «تاڭعاجايىپ تالانت يەسٸ» دەپ اتاپ ٶتتٸ. سيەناداعى چيگيانا اكادەميياسىنىڭ ارنايى سىيلىعىمەن ماراپاتتالعان.
ايتا كەتەيٸك, مۋزىكالىق كەش بارىسىندا ساعادات ومارعازينگە قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا عالىمقىزى بالاەۆانىڭ العىس حاتى جولداندى. حاتتى قازاقستان رەسپۋبليكاسى مەدەنيەت جەنە اقپارات مينيسترلٸگٸ مەدەنيەت كوميتەتٸنٸڭ تٶراعاسى ەرلان ەرعازىۇلى دەكەنوۆ تابىستادى.
