.jpeg)
فوتو: قازاقكونتسەرتتٸڭ باسپاسٶز قىزمەتٸنەن
روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمىندا تانىمال كومپوزيتور قۋات شٸلدەباەۆتىڭ «وتان انا» شىعارماشىلىق كەشٸ ٶتتٸ.
كونتسەرتتٸك باعدارلامادا «قايران كٶڭٸل», «ساعىم دٷنيە», «وتان انا», «جان انا», «كەشٸر مەنٸ», «امانات», «ايالاعان ارمان-اي», «سەۋلە» ەندەرٸ جەنە تانىمال كينوفيلمدەردەن الىنعان مۋزىكالىق شىعارمالار ورىندالدى.
ٸس-شاراعا قازاقستاننىڭ ەڭبەك سٸڭٸرگەن قايراتكەرلەرٸ ارداق بالاجانوۆا, رەنات گايسين, ديلناز احماديەۆا, دەۋرەن سەرعازين, جانار دۋگالوۆا, «ەرەن ەڭبەگٸ ٷشٸن» تٶسبەلگٸسٸنٸڭ يەگەرٸ اننا ۋۆاروۆا, تالانتتى ەنشٸلەر قايرات باەكەنوۆ, مارسەل, شابا ەدەنقۇلقىزى, دارىندى قوبىزشى ولجاس قۇرمانبەك, رەسپۋبليكالىق جەنە حالىقارالىق بايقاۋلاردىڭ لاۋرەاتتارى ەربول تەجٸباەۆ, ديدار ەبدۋحالىق, نۇراي شەرۋ, الي وكاپوۆ, مەدي رىمباەۆ, گاۋحار ٶمٸرزاقوۆا جەنە اقمارجان قۇرمانبەك قاتىستى.
فوتولار: قازاقكونتسەرتتٸڭ باسپاسٶز قىزمەتٸنەن
بۇل كەش – قۋات شٸلدەباەۆتىڭ العاشقى جەكە شىعارماشىلىق كەشٸ. ٸس-شارا بارىسىندا كومپوزيتوردىڭ تۋىندىلارى «Saz&Soul» توبى مەن «استانا» ەسترادالىق-سيمفونييالىق وركەسترٸنٸڭ سٷيەمەلدەۋٸمەن ورىندالىپ, ونىڭ مۋزىكاسىنا جاڭا قىرىنان ٷڭٸلۋگە مٷمكٸندٸك بەردٸ.
قۋات شٸلدەباەۆ – تانىمال كومپوزيتور, حالىقارالىق جەنە رەسپۋبليكالىق بايقاۋلاردىڭ لاۋرەاتى. ول سيمفونييالىق, كامەرالىق, حور, حالىق اسپاپتارىنا جەنە كينوفيلمدەرگە ارنالعان شىعارمالاردى جازدى. ونىڭ تۋىندىلارى «وتىراردىڭ كٷيرەۋٸ», «قوش, گٷلسارى», «بالالىق شاعىمنىڭ اسپانى», «شال» سەكٸلدٸ فيلمدەردە پايدالانىلعان.
2025 جىلى اقش-تا «Global Music Partnership Press» باسپاسى كومپوزيتوردىڭ جەكە سكريپكا مەن ٸشەكتٸ انسامبلگە ارنالعان «قاراكەمەر» كٷيٸن جارىققا شىعاردى. وسىلايشا, كومپوزيتور شىعارماسى امەريكالىق باسىلىمدا جارييالانعان قازاقستاننىڭ العاشقى ٶكٸلٸ اتانىپ, بۇل ونىڭ حالىقارالىق دەڭگەيدە تانىلۋىنداعى ماڭىزدى كەزەڭگە اينالدى.
«قاراكەمەر» كٷيٸ قازاقستاننىڭ نيۋ-يوركتەگٸ باس كونسۋلدىعىنىڭ قولداۋىمەن نيۋ-يورك قوعامدىق كٸتاپحاناسىنىڭ قورىنا ەنگٸزٸلدٸ. شىعارمانىڭ پرەمەراسى گارۆارد ۋنيۆەرسيتەتٸندە جەنە بوستونداعى بەينەلەۋ ٶنەرٸ مۋزەيٸندە ٶتتٸ.
