بٷگٸن ەلورداداعى قالامگەرلەر اللەياسىندا ورنالاسقان «الاش قايراتكەرلەرٸ» ەسكەرتكٸشٸنە گٷل شوقتارى قويىلدى. وسى سالتاناتتى رەسٸم احمەت بايتۇرسىنۇلىنىڭ 150 جىلدىق مەرەيتويىن مەرەكەلەۋگە ارنالىپ ۇيىمداستىرىلدى, دەپ حابارلايدى قازاقپارات تٸلشٸسٸ.
بۇل رەسٸمگە قر مەملەكەتتٸك حاتشىسى ەرلان قارين, نۇر-سۇلتان قالاسىنىڭ ەكٸمٸ التاي كٶلگٸنوۆ, زييالى قاۋىم ٶكٸلدەرٸ, قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت, ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ رەكتورى ەرلان سىدىقوۆ قاتىستى.
ايتا كەتەيٸك, اللەيا ماڭىندا شاعىن كٸتاپحانا ورنالاسقان, وندا ا. بايتۇرسىنۇلىنىڭ ەڭبەكتەرٸ جەنە باسقا دا قازاق جازۋشىلارىنىڭ شىعارمالى كٶپشٸلٸك نازارىنا ۇسىنىلدى.
«ورتالىقتاندىرىلعان كٸتاپحانالار جٷيەسٸ احمەت بايتۇرسىنۇلىنىڭ 150 جىلدىق مەرەيتويىنا وراي بٸرقاتار ٸس-شارالاردى جوسپارلادى. بۇل رەتتە كٶرمەلەر, كونفەرەنتسييالار, مەكتەپ وقۋشىلارى اراسىندا شىعارما جازۋ ەسكەرٸلگەن. بٷگٸن «الاش قايراتكەرلەرٸ» ەسكەرتكٸشٸنە گٷلشوقتارىن قويۋ رەسٸمٸنە قاتىستىق. سونىمەن قاتار قازاق زييالى قاۋىمى ەڭبەكتەرٸنٸڭ كٶرمەسٸن دە ۇيىمداستىردىق. بٸزدٸڭ كٸتاپحانا ٶتكەن جىلى اشىلعان ەدٸ. جالپى بٸزدە قالا بويىنشا 18 كٸتاپحانا قامتىلعان. بٷگٸنگٸ كٶرمەدە تٷرلٸ كٸتاپحانادان جەتكٸزٸلگەن شىعارمالار مەن كٸتاپتاردى كٶرۋگە بولادى», - دەدٸ نۇر-سۇلتان قالالىق ورتالىقتاندىرىلعان كٸتاپحانالار جٷيەسٸنٸڭ ديرەكتورى گٷلبادان مەديباەۆا.
بۇدان بۇرىن حابارلانعانداي, ەلوردادا احمەت بايتۇرسىنۇلىنىڭ 150 جىلدىعىنا ارنالعان حالىقارالىق عىلىمي-پراكتيكالىق كونفەرەنتسييا باستالدى.
«حالقىمىز ٶزٸنٸڭ تاريحىندا ەرەكشە ورىنى بار ەكٸ تۇلعانى «ۇلت ۇستازى» دەپ ارداقتاعان. الدىمەن, ەرينە, ۇلى ابايدى ايتامىز. ودان كەيٸن احمەت بايتۇرسىنۇلىنىڭ ەسٸمٸ اتالادى. الاش كٶسەمٸ, قازاقتىڭ بٸرتۋار پەرزەنتٸ احمەت بايتۇرسىنۇلىنىڭ تۋعانىنا بيىل 150 جىل تولىپ وتىر. بۇل مەرەيتويدى يۋنەسكو دەڭگەيٸندە اتاپ ٶتەمٸز. تەۋەلسٸزدٸك ۇلتىمىزدىڭ جادىن جاڭعىرتىپ, تاريحي تامىرىمىزدان قايتادان نەر الۋىمىزعا جول اشتى. بۇل رەتتە ۇلت ۇستازىنىڭ ەڭبەگٸن زەردەلەپ, ونى مول مۇراسىن ۇرپاق ساناسىنا سٸڭٸرۋ بارشامىزعا ورتاق مٸندەت», - دەدٸ مەملەكەتتٸك حاتشى قارين.
