فوتو: Offside.kz
قازاقستاندىق ۆيدەوگراف, ترەۆەل-بلوگەر ەرٸ بۇرىنعى قازاق تٸلٸ مۇعالٸمٸ داستان مۇحامەدراحيم حالىقارالىق WIBA Awards 2026 سىيلىعىنىڭ «ٷزدٸك ترەۆەل-بلوگەر» نوميناتسيياسى بويىنشا جەڭٸمپازى اتاندى دەپ حابارلايدى Ult.kz.
اتالعان ماراپات ينتەرنەت-جوبالار ەلەمٸندەگٸ «وسكار» رەتٸندە جيٸ اتالادى. داستاننىڭ بلوگى قازاقستان تابيعاتىنا ارنالعان. بٷگٸندە ونىڭ Instagram پاراقشاسىنا 1,6 ميلليون ادام جازىلعان. ول ٸرٸ كومپانييالارمەن ىنتىماقتاستىق ورناتىپ, بلوگەرلەردٸڭ جاھاندىق سامميتتەرٸنە قاتىسىپ, ەلدٸڭ كٶرٸكتٸ جەرلەرٸن ەلەمگە تانىتىپ جٷر.
بلوگەردٸڭ ايتۋىنشا, 20 قاڭتار كٷنٸ وعان Instagram-نىڭ رەسمي پاراقشاسىنان حات كەلگەن. وندا WIBA Awards سىيلىعىنىڭ Year in Review (جىل قورىتىندىسى) نوميناتسيياسىنا ٷمٸتكەر اتانعانى حابارلانىپ, قاتىسۋعا كەلٸسٸم بەرۋ سۇرالعان. داستان ۇسىنىستى قابىلداعان, ال 15 اقپاندا وعان جەڭٸمپاز اتانعانى تۋرالى حابارلاما كەلگەن.
جەڭٸمپازداردى ٸرٸكتەۋ كٶرٸلٸم سانى, ۆيزۋالدىق ەستەتيكا جەنە كونتەنتتٸڭ كرەاتيۆتٸلٸگٸ سيياقتى بٸرقاتار كٶرسەتكٸشتەر نەگٸزٸندە جٷرگٸزٸلەدٸ. WIBA Awards 2026 ماراپاتتاۋ رەسٸمٸ 2026 جىلعى 22 مامىردا كانن قالاسىندا ٶتەدٸ.
داستان مۇحامەدراحيم بايقاۋعا تەك قازاقستاندا تٷسٸرٸلگەن ۆيدەولارمەن قاتىسقانىن اتاپ ٶتتٸ. ونىڭ ايتۋىنشا, ول «بۇل – كەز كەلگەن ەل ەمەس, بۇل – قازاقستان» دەگەن فورماتتاعى ترەندتٸ باستاعان. مەسەلەن, «بۇل كانادا ەمەس, بۇل – قازاقستان» دەگەن مازمۇنداعى روليكتەر ارقىلى ەل تابيعاتىن ەرەكشە قىرىنان كٶرسەتە بٸلدٸ.
قازٸر بۇل فورماتتى شەتەلدٸك بلوگەرلەر دە كەڭٸنەن قولدانا باستاعان. مىسالى, يندونەزييادان بٸر بلوگەر وسى ستيلدە ۆيدەو جارييالاپ, 6 ميلليون قارالىم مەن 700 مىڭ لايك جيناعان. ۆيدەونىڭ باسىندا «بۇل قازاقستان با?» دەگەن سۇراق قويىلىپ, سوڭىندا ونىڭ ٶز ەلٸ ەكەنٸ كٶرسەتٸلەدٸ. داستاننىڭ پٸكٸرٸنشە, بۇل فورمات بٷگٸندە جاھاندىق ترەندكە اينالعان.
