UFC پروموۋشەنٸندە سىنعا تٷسٸپ جٷرگەن قازاق باھادٷرلەرٸ بۇدان بىلاي ەلٸمٸزدٸڭ كٶك تۋىمەن وكتاگونعا شىعا المايدى, دەپ جازادى Vesti.kz.
جالپى اتالمىش ۇيىمدا قازاقستان اتىنان شىعىپ جٷرگەن وتانداستارىمىز ساۋساقپەن سانارلىق. ولار ەلەمدەگٸ ەڭ مىقتى پروموۋشەنٸندە العاشقى قادامدارىن ەندٸ-ەندٸ جاساپ كەلەدٸ. كەز-كەلگەن سپورتشى ٷشٸن, سونىڭ ٸشٸندە قازاق ساربازدارى ٷشٸن حالىقارالىق جارىستاردا كٶك تۋمەن شىعۋ اسا ماڭىزدى. سەبەبٸ ۇلتتىق ناقىشتاعى اتريبۋتيكالارىمىز سپورتشىلارىمىزعا قوسىمشا كٷش بەرەدٸ. جاۋاپكەرشٸلٸكتەرٸ ارتادى.
الايدا بۇدان بىلاي ەلەمدە بولىپ جاتقان ساياسي وقيعالارعا بايلانىستى ۇيىمنىڭ پرەزيدەنتٸ دانا ۋايت ليگانىڭ بارلىق سپورتشىسىنا ٶز ەلدەرٸنٸڭ تۋىمەن وكتاگون ٸشٸنە اتتاپ باسۋعا رۇقسات بەرمەدٸ.
جۋىردا رەسەيلٸك پەتر يان كەشتٸڭ باستى ايقاسىنا شىعار الدىندا رەسەي تۋىنسىز شىقتى. ۇيىمداستىرۋشىلار كٶپشٸلٸك الدىندا ارانداتۋشىلىق بولماسىن دەگەن ويمەن يانعا الدىن الا ەسكەرتۋ جاساعان. نەتيجەسٸندە رەسەيلٸك سپورتشى تۋسىز شىقتى. سول سەكٸلدٸ ەندٸ قازاق مما شەبەرلەرٸ دە ۇلتتىق ناقىشتاعى باس كيٸمدەرمەن شىققانىمەن, كٶك تۋدى سەگٸز بۇرىشقا الىپ كٸرە المايتىن بولدى.
