بيىل 1 قازان قازاق راديوسىنىڭ ەۋە تولقىنىنا شىققانىنا 99 جىل, دەپ حابارلايدى "ۇلت اقپارات".
العاش 1921 جىلدىڭ كٷزٸندە ۇلت ۇستازى احمەت بايتۇرسىنۇلىنىڭ باستاماسىمەن ورىنبور قالاسىنان حابار تاراتقان. عاسىر كۋەسٸ بولعان قارا شاڭىراق, ەر قوعامنىڭ تۇسىندا ەرقالاي دامىپ, ۋاقىت ٶتكەن سايىن زامان تالابىنا ساي جاڭعىردى.
قازٸر قۇرامىنا 4 بٸردەي (Qazaq radiosy, Shalqar, Astana, Classic) راديونى بٸرٸكتٸرگەن QAZAQ RADIOLARY سەرٸكتەستٸگٸ بٷكٸل قازاق دالاسىنا اقپارات تاراتادى.
Qazaq radiosy پاندەميياعا بەيٸمدەلٸپ, ەلدٸڭ ەلەۋمەتتٸك, قۇقىقتىق تاقىرىپتارداعى قاجەتٸن ٶتەۋگە بٸرجولاتا دەن قويدى. ال Shalqar بولسا, تازا ۇلتتىق باعىتتاعى تانىم, تاريح پەن پايىم-پاراساتتىڭ ٶزەگٸنە اينالدى.
قازٸر «Qazaq radiosy» رەسپۋبليكانىڭ 89% اۋماعىنا تاراسا, ال «Shalqar» راديوسىن ەلدٸڭ 64% تىڭدايدى. «جول كارتاسىنا» سەيكەس 2025 جىلعا قاراي ونىڭ دەڭگەيٸن 95%-عا جەتكٸزۋ جوسپارلانعان. قازٸر وسى ماقساتتا شەكارالىق ايماقتاردا راديوسيگنالدىڭ قامتۋ دەڭگەيٸن كەڭەيتۋگە قاتىستى بٸرقاتار جۇمىستار قولعا الىندى.
بيىل 1 قازان كٷنٸ «قازاق راديوسىنىڭ» قارا ورمان حالقىنا ارناعان ٶزٸندٸك سىيى بار. ياعني, وسى كٷنٸ نۇر-سۇلتان جەنە الماتى ستۋدييالارىنان ەفيرگە شىعاتىن ارداگەر ديكتورلاردىڭ داۋىسى ەۋە تولقىنىندا قايتا جاڭعىرادى. ساتيريك كٶپەن ەمٸربەك «قايىرلى تاڭدا» تىڭدارمانعا تاماشا كٶڭٸل-كٷي سىيلاسا, بارقىت ٷننٸڭ يەسٸ ساۋىق جاحانوۆا «جىرلايدى جٷرەك» حابارىن جٷرگٸزەدٸ. ال بٷركٸت بەكماعامبەتوۆ, امانجان ەڭسەبايۇلى جەنە ەبدٸرەلٸ بٶلەباي سىندى ديكتورلار جاڭالىقتار جارشىسى بولىپ, ەلٸمٸزدەگٸ جەنە جاھانداعى سوڭعى اقپاراتپەن تانىستىرادى. كٷلەش مولداحمەتوۆا بالالارعا ارنالعان «تاپقىر بالا» حابارىن تٸكەلەي ەفيردە جٷرگٸزسە, قۇسمان يگٸسٸنوۆ «تٷركٸ ەلەمٸ» باعدارلاماسىن دايىندايدى. نۇرجان مۇحامەدجانوۆا «ارمانداستار» حابارىنىڭ تٸزگٸنٸن ۇستايدى. راديومىزدىڭ تاعى بٸر توپ ارداگەر جۋرناليستەرٸ «دوستىق», «بٸز جانباساق», «راديومەديتسينا», «اق تٸلەك» حابارىن جۇرت نازارىنا ۇسىنادى.
«QAZAQ RADIOLARY» جشس باس ديرەكتورى ەرنۇر بۋراحاننىڭ ايتۋىنشا, «قازاق راديوسىنىڭ» عاسىرلىق مەرەيتويىن اتاپ ٶتۋ – «ساعىندىرعان داۋىس يەلەرٸ» اعا بۋىن ٶكٸلدەرٸنٸڭ وسىلايشا ەفيرمەن قايتا قاۋىشۋىمەن باستالادى.
