بٷگٸن ەلوردادا «ازييا جازۋشىلارىنىڭ ٸ فورۋمى» قارساڭىندا جارىق كٶرگەن «قازاق پوەزيياسىنىڭ ٸنجۋ-مارجاندارى» انتولوگيياسىنىڭ تۇساۋكەسەرٸ بولدى. شاراعا قر پارلامەنتٸنٸڭ دەپۋتاتتارى, عالىمدار, اقىن-جازۋشىلار, قوعام جەنە مەدەنيەت قايراتكەرلەرٸ, جۋرناليستەر قاتىستى, دەپ حابارلايدى "ۇلت اقپارات".
انتولوگييا ەلباسى نۇرسۇلتان نازارباەۆتىڭ «رۋحاني جاڭعىرۋ» باعدارلاماسى اياسىندا قازاقستان پرەزيدەنتٸ قاسىم-جومارت توقاەۆتىڭ تٸكەلەي قولداۋىمەن جارىققا شىعىپ وتىر.
«مەملەكەت باسشىسى كٶركەم ەدەبيەتٸمٸزدٸڭ دامۋىنا ەردايىم قولداۋ كٶرسەتٸپ, بارلىق مٷمكٸندٸكتٸ جاساپ وتىرعانىن بٸلەسٸزدەر. وسى 13 تومدىقتىڭ ەربٸرٸنٸڭ كٸرٸسپەسٸندە جەكە-جەكە توقتالىپ, ٶزٸنٸڭ العىسٶزٸن قالدىرىپ وتىر. جٷرەكتە بۋىرقانعان ۇلتتىق رۋحتى, تىڭ سەرپٸن بەرەتٸن اقىندارىمىزدىڭ جالىندى جىرلارىنىڭ توپتاماسى قۇتتى بولسىن دەيمٸز. وقىرمان قاۋىمنىڭ كٶكەيٸندە «بۇل باستاما جالعاسىن تابا ما?» دەگەن ساۋال تۋىنداعانىن بٸلەمٸز. پرەزيدەنت قاسىم-جومارت كەمەلۇلى العى سٶزدەرٸنٸڭ بٸرٸندە «الداعى ۋاقىتتا وسى توپتاما جالعاسىن تاۋىپ, كٶرنەكتٸ اقىندارىمىزدىڭ شىعارمالارىن جارىققا شىعارا بەرەمٸز دەگەن سەنٸمدەمٸن» دەپ اتاپ ٶتكەن. جوعارىداعى سۇراقتىڭ جاۋابى وسى دەپ ويلايمىن», - دەدٸ ۇلتتىق كٸتاپحانادا ٶتكەن تۇساۋكەسەردە مودەراتور بولعان پرەزيدەنتتٸڭ باسپاسٶز حاتشىسى بەرٸك ۋەلي.
اتالعان توپتاماعا 13 اقىننىڭ تۋىندىسى ەنگٸزٸلگەن. ناقتىراق ايتقاندا, «قازاق پوەزيياسىنىڭ ٸنجۋ-مارجاندارى» انتولوگيياسىنان اباي, شەكەرٸم, ماعجان جۇماباەۆ, قاسىم امانجولوۆ, جۇبان مولداعاليەۆ, جۇمەكەن نەجٸمەدەنوۆ, تۇمانباي مولداعاليەۆ, قادىر مىرزا ەلٸ, مۇقاعالي ماقاتاەۆ, فاريزا وڭعارسىنوۆا, ولجاس سٷلەيمەنوۆ پەن مۇحتار شاحانوۆتىڭ ٶلەڭدەرٸن وقي الاسىزدار.
«ەلباسىنىڭ «رۋحاني جاڭعىرۋ» باعدارلاماسى اياسىندا مەدەنيەتٸمٸزگە, ەدەبيەتٸمٸزگە قاتىستى يگٸ ٸستەردٸڭ اتقارىلىپ جاتقانىن ٶزدەرٸڭٸز بٸلەسٸزدەر. سول باعدارلامانىڭ اياسىندا بٸز بيىل ازييا جازۋشىلارىنىڭ بٸرٸنشٸ فورۋمىن ٶتكٸزەيٸك دەپ وتىرمىز. ونىڭ كٷندەرٸ جاقىنداپ كەلە جاتىر. بۇل كٸتاپتار سونىڭ قارساڭىندا جارىققا شىقتى. فورۋمعا قاتىساتىن قالامگەرلەرگە وسى كٸتاپتار تارتۋ ەتٸلەدٸ. مەملەكەت باسشىسىنىڭ جەنە ودان بەرگٸ مينيسترلٸكتەر, مەملەكەتتٸك حاتشى – بارلىقتارىنىڭ ەدەبيەتكە دەگەن وڭ كٶزقاراسى قالىپتاسا باستاعانىن, سونىڭ بٸر كٶرٸنٸسٸ ەكەنٸن ەرەكشە اتاپ ٶتكٸم كەلٸپ وتىر. جازۋشىلار وداعىنا كٶپتەن بەرٸ جاسالماعان جٶندەۋ جاسالعالى وتىر. قوماقتى قاراجات جۇمسالماق. ۇسىنعان جوبالارىمىز ماقۇلدانۋدا. وسىنىڭ بەرٸ - ەدەبيەتكە بٶلٸنٸپ جاتقان كٶڭٸلدٸڭ ايقىن بەلگٸسٸندەي», - دەدٸ تۇساۋكەسەر بارىسىندا قازاقستان جازۋشىلارى وداعىنىڭ تٶراعاسى ۇلىقبەك ەسدەۋلەت.
ٶز كەزەگٸندە, ٶلەڭدەرٸ اتالمىش توپتاماعا ەنگٸزٸلگەن مۇحتار شاحانوۆ سٶز سٶيلەپ, قازاقستان جازۋشىلار وداعى تاراپىنان جاڭا يدەيالار جٷزەگە اسىپ جاتقانىن ايتىپ ٶتتٸ.
«ەلدٸك, شىندىق بيٸگٸندە باس قوسا بەرەيٸك», - دەدٸ اقىن.
