فوتو: masa.media
قازاقستاندا قازاق قىزدارىنا قاتىستى ايتىلعان قورلاۋ سٶزدەردەن كەيٸن 15 تەۋلٸككە قاماۋعا الىنعان رەسەيلٸك ستريمەر انار ابدۋللاەۆ بوستاندىققا شىققان سوڭ كٶپشٸلٸككە ۆيدەوٷندەۋ جولدادى. بۇل جٶنٸندە Ult.kz حابارلادى.
ٷيٸنە ورالعان ستريمەر ٶزٸنٸڭ Telegram-ارناسىندا جارييالاعان بەينەجازباسىندا قازاق حالقىنان كەشٸرٸم سۇراپ, بولعان جايتتىڭ مۇنشالىقتى ۋشىعىپ كەتكەنٸنە ەلٸ دە سەنەر-سەنبەسٸن بٸلمەيتٸنٸن ايتتى. ول ەرٸپتەسٸ رەناتپەن بٸرگە قيىن كەزەڭدٸ باستان ٶتكەرگەنٸن اتاپ ٶتٸپ, ٶزدەرٸنە قولدانىلعان جازانى ورىندى دەپ قابىلدايتىنىن جەتكٸزدٸ.
انار ابدۋللاەۆتٸڭ سٶزٸنشە, ەشكٸمدٸ ەدەيٸ رەنجٸتۋ نەمەسە قوعامدا جاعىمسىز پٸكٸر تۋعىزۋ ماقساتى بولماعان. ول قازاق حالقىنان تاعى دا كەشٸرٸم سۇراپ, وسى جاعداي كەزٸندە قولداۋ بٸلدٸرگەن ازاماتتارعا ريزاشىلىعىن بٸلدٸردٸ.
"بارشا قازاق حالقىنان تاعى دا كەشٸرٸم ٶتٸنەمٸن. جاعدايدىڭ وسىلاي شيەلەنٸسٸپ كەتكەنٸنە ٶكٸنٸش بٸلدٸرەمٸن. ەشكٸمدٸ قاپالاندىرۋ نيەتٸم بولعان جوق. مەن دوستىق قارىم-قاتىناستى قادٸرلەيمٸن. قولداۋ كٶرسەتكەندەردٸڭ بەرٸنە العىس ايتامىن. قازٸر ٷيدەمٸن", – دەدٸ ستريمەر.
ەسكە سالا كەتەيٸك, بيىل اقپان ايىنىڭ باسىندا الماتى قالاسىندا “STAYA” توبىنىڭ مٷشەلەرٸ – انار ابدۋللاەۆ پەن رەنات پاشاەۆ 15 تەۋلٸككە ەكٸمشٸلٸك قاماۋعا الىنعان ەدٸ. تٸكەلەي ەفير بارىسىندا ولار قازاقستاندىق كٶرەرمەندەرمەن سٶزگە كەلٸپ قالعان. داۋدىڭ تۋىنداۋىنا ستريم كەزٸندە قازاق قىزدارىنا باعىتتالعان قورلاۋ سٶزدەر سەبەپ بولعان.
وقيعادان كەيٸن ەزەربايجان تاراپىنان ٶكٸلدەر جاعدايعا بايلانىستى ٶكٸنٸش بٸلدٸرٸپ, ستريمەرلەردٸڭ ايتقان سٶزدەرٸ ٷشٸن كەشٸرٸم سۇرادى. سونىمەن قاتار ولار قازاقستانعا دەگەن قۇرمەتتٸڭ ەرەكشە ەكەنٸن اتاپ ٶتتٸ.
