فوتو: اشىق دەرەككٶز
قازاقستاننىڭ «وسكار» جٷلدەسٸنە ۇسىنعان «كادەت» فيلمٸ بەدەلدٸ سىيلىقتىڭ «حالىقارالىق كٶركەم فيلم» نوميناتسيياسىنان الىنىپ تاستالدى, دەپ حابارلايدى Ult.kz.
فيلمنٸڭ پروديۋسەرٸ ەرلان بۋحارباەۆتىڭ ايتۋىنشا, مۇنداي شەشٸم «وسكار» اكادەميياسىنىڭ ەكٸمشٸلٸگٸ تاراپىنان قابىلدانعان.
باستى سەبەپ – ليگا كينەماتوگرافيستەرٸنٸڭ حاتى. وندا فيلمنٸڭ وپەراتورى ەركٸنبەك پتىراليەۆتٸڭ ۇلتتىق ٸرٸكتەۋ كوميسسيياسىنىڭ قۇرامىندا بولعانى جەنە ٶز فيلمٸ ٷشٸن داۋىس بەرۋٸ مٷمكٸن ەكەنٸ ايتىلعان.
«بۇل شىندىققا جاناسپايدى, بۇعان رەسمي دەلەل دە بولعان. الايدا نە ٸستەي الامىز? رەپۋتاتسييالىق تەۋەكەلدەرگە سٸلتەمە جاساعان ليگا باسشىسىنىڭ جەكە ۇناتپاۋشىلىعى ٶز دەگەنٸنە جەتتٸ», – دەپ جازدى پروديۋسەر ەلەۋمەتتٸك جەلٸدە.
ال ليگا كينەماتوگرافيستەرٸ ٶز كەزەگٸندە ايىپتاۋلاردى جوققا شىعارىپ, ولاردىڭ ماقساتى تەك اشىقتىق پەن ەدٸلدٸكتٸ ساقتاۋ بولعانىن مەلٸمدەدٸ.
«بٸز فيلمگە نەمەسە جەكە ادامدارعا قارسى بولعان جوقپىز. مەسەلە – كەسٸبي ەتيكا مەن اشىق شەشٸم قابىلداۋ پرينتسيپتەرٸن ساقتاۋ جايىندا. قازاقستاندىق كينو حالىقارالىق دەڭگەيدە مويىندالۋعا لايىق, بٸراق بۇل ٷشٸن ەدٸلدٸك پەن كٶرەرمەنگە, اۆتورلارعا, ەل بەدەلٸنە دەگەن قۇرمەت قاجەت», – دەلٸنگەن رەسمي جاۋاپتا.
الايدا ٶتٸنٸم قابىلداۋ مەرزٸمٸ اياقتالعاندىقتان, قازاقستان ەندٸ 2026 جىلعى «وسكار» بايقاۋىنا قاتىسا المايدى. بۇل ەل كينوسى ٷشٸن ٷلكەن مٷمكٸندٸك پەن نوميناتسييادان ايىرىلۋ دەگەن سٶز.
مەسەلەگە اكتريسا داريعا بادىقوۆا پٸكٸر بٸلدٸردٸ.
«كادەت فيلمٸ – ەلٸمٸز اتىنان وسكارعا جولداما العان العاشقى ٷمٸتكەرلەردٸڭ بٸرٸ ەدٸ. ٶكٸنٸشتٸسٸ, سول قۋانىشتى سەتتٸ بٸز ٶز ٸشٸمٸزدەگٸ كٶرەالماۋشىلىقپەن كٶلەگەيلەپ الدىق. شىندىعىندا, بۇل تەك بٸر فيلمنٸڭ تاعدىرى ەمەس, بٸزدٸڭ ٶنەرگە دەگەن كٶزقاراسىمىزدىڭ ايناسى بولدى… ٶنەردە جەڭٸلٸس تە, جەڭٸس تە – ورتاق. قۋانباساق, قولداماساق – ەشقاشان بيٸككە شىعا المايمىز. قازاق كينوسى – بٸزدٸڭ رۋحاني قازىنامىز, ال ونى كٶتەرۋ – ەرقايسىمىزدىڭ مٸندەتٸمٸز. مەن ٶزٸمە كەزٸندە سەنٸم ارتقان ادامعا قازٸر قولداۋ بٸلدٸرۋدٸ پارىز سانايمىن. ٶيتكەنٸ مەن سەنەمٸن: قازاق كينوسىنىڭ كٷشٸ – بٸرلٸكتە, بولاشاعى – قولداۋدا, رۋحى – ەدٸلدٸكتە», - دەدٸ داريعا بادىقوۆا.
ايتا كەتەيٸك, «كادەت» فيلمٸ رەجيسسەر ەدٸلحان ەرجانوۆتىڭ تۋىندىسى. كارتينا 2024 جىلى توكيو حالىقارالىق كينوفەستيۆالٸندە كٶرسەتٸلگەن, ال قازاقستانداعى پرەمەراسى 2025 جىلدىڭ قاڭتارىندا ٶتكەن بولاتىن.
ٶتكەن جىلى ەل اتىنان «باۋىرىنا سالۋ» فيلمٸ ۇسىنىلعان, ال 2023 جىلى مٷلدە بٸردە-بٸر تۋىندى جٸبەرٸلمەگەن ەدٸ.
