قر پارلامەنتٸ جەنە بارلىق دەڭگەيدەگٸ وبلىستىق, اۋداندىق مەسليحاتتار دەپۋتاتتارى مەن جەرگٸلٸكتٸ «قازاق تٸلٸ» قوعامى, «تٸل كوميتەتتەرٸ» نازارىنا.
بٷگٸن - قر كونستيتۋتسيياسى كٷنٸ. دەپۋتات مىرزالار, ونداعان جىلدار بويى وسى مەسەلەگە شىنداپ بارۋعا ەرەكەتتەنبەۋٸمٸز قالاي? ورىس تٸلٸنٸڭ نورمالارىنا ساي «قازاق» ەتنوگەنەزٸ, ودان شىققان سٶزدەردٸڭ بارلىعى قازاق تٸلٸنٸڭ ترانسكريپتسيياسىنا سەيكەس ورىسشا دا «كازاكستان, كازاكسكيي» ت.ب بولىپ جازىلىپ, ايتىلاتىنداي قالىپىنا كەلتٸرۋ جٶنٸندە «زاڭ» قابىلداۋ ۋاقىتى كەلگەن مەسەلە.
كٶرشٸ قىرعىزدار «كيرگيزدى» «كىرگىز», «كيرگيزستاندى» «كىرگىزستان» دەپ, مولدوۆاندار «مولداۆييانى» «مولدوۆو», بەلورۋستار «بەلارۋسسييانى» «بەلورۋس» ەتٸپ تٷزەتٸپ الدى. سٶيتٸپ, ولار ححٸ عاسىر تابالدىرىعىن ەلدەقاشان تازا ٶز اتىمەن اتتادى. «قازاق» اتاۋىنىڭ ورىس تٸلٸندە دە بۇرمالانباي ايتىلۋى ە.بٶكەيحانوۆ, ا.بايتۇرسىنۇلى, م.تىنىشپاەۆ, م.ەسەناليەۆ, س.اقاتاي سيياقتى ت.ب الاش ۇلدارىنىڭ, زييالىلارىمىزدىڭ دا ارمانى ەدٸ. بۇل مەسەلە بٷگٸنگٸ ۇرپاعىنىڭ دا ارمان, مۇراتىنا اينالدى.
ايتارىمىز: مەملەكەت اتى قازاق تٸلٸندە: «قازاقستان رەسپۋبليكاسى» ورىسشا: «رەسپۋبليكا كازاكستان» بولىپ, الداعى ۋاقىتتا مەملەكەتتٸڭ بارلىق رەسمي رەمٸزدەرٸنەن كٶرٸنٸس تابۋى كەرەك. «كازاح» سٶزٸنٸڭ «كازاك», «كازاحستان» سٶزٸنٸڭ «كازاكستان» بولىپ دۇرىس جازىلۋىنا ەسٸ اۋىسقان بٸرەۋ بولماسا ٶزگە تٷگٸلٸ, ورىستٸلدٸلەر دە قارسى بولمايدى.
ەندەشە, كٸم كەدەرگٸ? بٸزدٸڭشە بۇل مەسەلەلەر ەشقانداي قارسىلىق تۋدىرمايدى. سوڭعى كٷندەرٸ ەلدە تٸلدٸ ناسيحاتتاۋ باعىتىندا قوعامدىق شارالار ٶتكٸزۋ جيٸلەي باستادى. ەندٸگٸ جەردە ٸركٸلٸسكە بوي الدىرا بەرمەي تٸل ماماندارى, عالىم-فيلولوگتار, قوعامدىق قوزعالىستار مەن ساياسي پارتييالار, وقۋ اعارتۋ ٸسٸنٸڭ قىزمەتكەرلەرٸ-مۇعالٸمدەر, تٸل جاناشىرلارى الداعى ۋاقىتتا وسى باعىتتا دا قوعامدىق پٸكٸر تۋدىرۋ جۇمىستارىن باستاۋى كەرەك. مۇنى پارلامەنت دەپۋتاتتارى الدىنا قوياتىن دا ۋاقىت كەلگەن سەكٸلدٸ.
قۇرمەتپەن, نۇرلىباي قوشامانۇلى,
اقتٶبە ق. 29.08.2016.
ۇلت پورتالى
