اقتٶبەنٸڭ شالعاي اۋدانىندا تۇراتىن انتونينا ەۆدوكيموۆانىڭ ۇلتى ورىس بولسا دا قازاقى تەربيە العان. بٸر اۋىلداعى جالعىز ٶزگە ۇلت ٶكٸلٸ قازٸر تانيا ەجە اتانىپ كەتكەن, دەپ حابارلايدى قازاقپارات.
انتونينا ەۆدوكيموۆا ىرعىز اۋدانىنىڭ اقشي اۋىلىندا تۇرادى. قارييا نەمەرە-شٶبەرە قىزىعىن كٶرٸپ, اۋىلدا «تانيا ەجە» اتانىپ كەتتٸ. ول 1953 جىلى ٶزبەكستاننىڭ سەيحۋندارييا وبلىسىنا قاراستى تەرمەز قالاسىندا دٷنيەگە كەلگەن. ەكەسٸ ەسكەري قىزمەتكەر, اناسى دەرٸگەر بولدى. 1964 جىلى اناسىنىڭ جۇمىس بابىمەن شالعاي, قازاق اۋىلىنا قونىس اۋداردى. سودان بەرٸ الىسقا ۇزاپ شىققان ەمەس.
«مەن قوي قىرقىپ, سيىر ساۋىپ, پٸشەندە جٷردٸم. 1969 جىلدىڭ شٸلدە ايىندا امانگەلدٸ بٶلەكباەۆ ەسكەردەن كەلٸپ, تۇرمىس قۇردىم. ٶزٸم 11 قۇرساق كٶتەرگەن ەدٸم. قازٸر 5 بالام بار. قايىن ٸنٸمنٸڭ جەتٸم قالعان تٶرت بالاسىن باۋىرىما باسىپ, ٶسٸردٸم, تٶرت اۋىل ەتتٸم. بالالارىم دا كٶپبالالى», - دەدٸ انتونينا ەۆدوكيموۆا.
ىرعىز اۋدانىنىڭ بٸرنەشە اۋىلى مەن وبلىس ورتالىعىنداعى بالالارى قارييانىڭ جان جىلۋى, جٷرەگٸ. دەنساۋلىعى مىعىم, جٷرٸس-تۇرىسى شيراق تانيا ەجە زەينەتكە شىققان سوڭ توقىما توقىدى. نەمەرەلەرٸنە قاجەتتٸ جىلى كيٸمنٸڭ بەرٸن ٶزٸ تٷگەلدەپ بەرٸپ وتىر.
«جٷن تٷتٸپ, ۇرشىق يٸرەمٸن. نەمەرەلەرٸمدٸ كيٸندٸرەمٸن, سۇراعان ادامداردىڭ ٶتٸنٸشٸن اياقسىز قالدىرعان ەمەسپٸن. بۇل انامنان قالعان ٶنەر», - دەدٸ ول.
قازاق وتباسىنا كەلٸن بوپ تٷسكەن كٷندەرٸن ەسكە العان قارييا ەلگەزەكتٸگٸنٸڭ ارقاسىندا ٷلكەن مەن كٸشٸگە ٸزەت كٶرسەتٸپ, بٷكٸل اۋىلدىڭ اناسى اتاندى.
«جان-جاعىڭا قارا, نە ٸستەسە, سونى قايتالا» دەپ اتام ايتقان ەدٸ. سٶيتٸپ جٷرٸپ تٸلدٸ ٷيرەندٸم, تەز ارالاسىپ كەتتٸم. قازٸر قازاقشا سٶيلەيمٸن. 50 جىلدان استام ۋاقىتتا ورىس تٸلٸن دە ۇمىتا باستادىم. سالت-دەستٷردٸ بٸلەمٸن. كەلٸن تٷسٸنۋ, ونى تەربيەلەۋ, بالا ٶسٸرۋ, قوناقجايلىلىعى بەرٸ-بەرٸ مەن ٷشٸن ىستىق. ٷيلەنۋ تويى, تۋعان كٷن, سٷندەت توي دا قازاق دەستٷرٸمەن ٶتەدٸ. قازاق ەلٸ مەنٸ ورتاعا الىپ, ٶز بالاسىنداي تەربيەلەدٸ. سوندىقتان العىسىم شەكسٸز», - دەدٸ انتونينا ەۆدوكيموۆا.
ول ەن دە ايتادى. قوعامداعى ەرەكشە بەلسەندٸلٸگٸ ٷشٸن قازاقستان حالقى اسسامبلەياسى جىلىنا وراي اۋداننىڭ «جىل ادامى» اتاندى.
«2010 قۇرىلعان ەجەلەر انسامبلٸنٸڭ مٷشەسٸ ٶتە بەلسەندٸ. اۋىل, اۋدانداعى شارالارعا قاتىسىپ جٷر. ماراپاتى كٶپ, ماقتاۋلى قارييا», - دەدٸ اۋىل كلۋبىنىڭ مەدەني جۇمىسىن ۇيىمداستىرۋشىسى كٷنسۇلۋ قاپيزوۆا.
