قازاق دالاسىنداعى كيٸكتەر تٶلدەي باستادى. جاڭا تۋعان قۇرالايدىڭ فوتوسۋرەتتەرٸ جەلٸدە جارييالاندى, دەپ حابارلايدى "ۇلت اقپارات".
«بٷگٸنگٸ كٷندٸ سٷيٸنشٸ سۇراۋدان باستاعىم كەلەدٸ. بٸرنەشە كٷن بۇرىن كيٸكتەر تٶلدەي باستادى. كٶكتەمنٸڭ العاشقى قۇرالايلارىن كٶرٸڭٸزدەر. تۇقىم جالعاستىرۋ – ەربٸر تٸرشٸلٸك يەسٸ ٷشٸن ماڭىزدى كەزەڭ», - دەيدٸ فوتوسۋرەتتەردٸ جەلٸدە بٶلٸسكەن ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ باسپاسٶز حاتشىسى سەكەن دٸلداحمەت.
جاڭا تۋعان تٶل ەندٸ تٸرشٸلٸكتٸڭ سىنىنان ٶتۋٸ تيٸس. ەلسٸزٸ ٶلسە, كەيبٸرٸ جىرتقىشتاردان امان قالمايدى. تەك مىقتىسى تٸرشٸلٸگٸن جالعاستىرادى. تابيعات زاڭى وسىنداي.
«جىل سايىن مامىر ايىنىڭ باسىندا كيٸكتەر تٶلدەيدٸ. تٶلدەۋ ۋاقىتى بٸرنەشە اپتاعا عانا سوزىلادى. جىل سايىن دەل وسى ۋاقىتتا كٷن بۇزىلىپ, سالقىندايدى, جەل تۇرادى. حالقىمىز ول ۋاقىتتى «قۇرالايدىڭ سالقىنى» دەپ اتايدى. تٶلدەۋ كەزٸندە كيٸكتٸڭ ەركەگٸ ولاردى اينالا جٷرٸپ, جىرتقىشتاردان قورعايدى. ال وحوتزووپرومنىڭ ينسپەكتورلارى مەن ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ اۋماقتىق دەپارتامەنتتەرٸ دە كيٸكتەردٸ براكونەرلەردەن قورعايدى», - دەيدٸ كوميتەت ٶكٸلٸ.
