2016 جىلدىڭ جازى ەلەمدٸك بوكس تاريحىنا قارالى حابارمەن جازىلارى انىق. ول - مۇحاممەد اليدٸڭ ٶمٸردەن ٶتۋٸ بولاتىن… بٸراق قازاق بوكسى ٷشٸن شٸلدەنٸڭ جەتٸسٸ جات ەلدە, كانادانىڭ مونرەال قالاسىندا, “قازاق” اتىن اسپانداتقان جەمٸستٸ ويىنداردىڭ بٸرٸ ەمەس, بٸرەگەيٸ بولدى.
اتلانتتىڭ ارعى بەتٸندەگٸ اقش ەلٸندە قازاقستاننىڭ اتىن جات ەلدٸلٸكتەردٸڭ جادىسىنا نايزاداي قاداپ جٷرگەن باتىرىمىز گەنا گولوۆكين بولسا, قاراعاندىلىق جەرلەسٸمٸزدٸڭ سول ەرلٸگٸن بٷگٸندە ٷيەڭكٸ جاپىراقتى (كانادا) ەلٸندە ٷش بٸردەي قازاق باتىرى جالعاستىرا بٸلدٸ, تٸپتەن ٶزدەرٸنٸڭ ەدەمٸ جەڭٸس جولدارىن سالا بٸلدٸ. جەڭٸستٸ ويىنداردىڭ جەلٸنە مارقايعان كاناداداعى قازاقستاندىق قاۋىم تامسانىپ قانا قويماي, تالعامىن تاڭداۋ قيىنعا سوعاتىن كانادالىقتار دا قازاق جٸگٸتتەرٸنٸڭ جٸگەرٸنە كۋە بولدى.
شٸلدەنٸڭ التىسى قازاقستاندىق جۇرت استانا كٷنٸن اتاپ ٶتسە, كەلەسٸ كٷنٸ قازاقستان تۋى كانادانىڭ بوكس تٶرٸندە ٷش مەرتە جەلبٸرەدٸ. جٸگەردٸ قولدان بەرمەس قازاق جٸگٸتتەرٸنٸڭ جەڭٸسٸنەن ارتىق سىيلىق جوق بولار ەل ورداسى ٷشٸن.
قازاق حالقىنىڭ ەسٸم قويۋ دەستٷرٸ دە كەيدە ادام تاعدىرىن انىقتاسا كەرەك. ولاي دەيتٸنٸم, كانادالىق كەسٸپقوي بوكستاعى قازاقستاننىڭ ٸز سالۋشىسى باتىر جٷكەمباەۆ - قر-نىڭ جاستار اراسىنداعى, ستۋدەنتتەر اراسىنداعى جەنە دە قازاقستان, ۋكراينا مەن فينليانديياداعى تۋرنيرلاردىڭ چەمپيونى. كانادانىڭ كەسٸپقوي بوكس رينگٸندەگٸ 4 ويىندى نوكاۋتپەن جەڭگەن باتىر كانادالىقتار ٷشٸن “قازاق باتىرى” اتانىپ ٷلگەردٸ.
باتىرداي قازاق جٸگٸتتەرٸنٸڭ جالعىز ەمەستٸگٸن دەلەلدەگەن كەلەسٸ بوكسشى ابىلايحان حۋساينوۆ جەرگٸلٸكتٸ بوكسشىنى نوكاۋتپەن جەڭٸپ, قارسىلاسىنىڭ جانكٷيەرلەرٸن جەرگە قاراتتى. العاشقى ويىنىنان-اق جاستىق جٸگەرٸ مەن جەڭٸسكە قۇلشىنىسىن جاسىرماعان ابىلايحان باتىر سالعان جەڭٸستٸڭ سارا جولىن ابىرويمەن جالعاي بٸلدٸ.
باتىر مەن ابىلايحان كەسٸپقوي بوكستىڭ تٸزگٸنەن ٶزگەلەرگە بەرمەي جٷرسە, ولاردىڭ ەۋەسقوي بوكستاعى ٸزباسارى رۋستام سۆاەۆ تا العاشقى ويىنىن جەڭٸسپەن اياقتادى. ورىن العان توعىز ويىننىڭ ٷشەۋٸندە بوي كٶتەرگەن قازاق جٸگٸتتەرٸنٸڭ جەڭٸسٸ جات ەلدە جٷرٸپ ەلدٸ اڭساعان قازاقستاندىقتاردىڭ رۋحىن ٶرلەتتٸ, كٶك تۋدىڭ قىرانىن مونرەالدا تٶرلەتتٸ. سپورتتىڭ سيقىرى دا سول بولار, ساناۋلىلاردىڭ جەڭٸسٸ سانسىز سانالىعا مەرتەبە مەن قۋانىش. فرانتسۋز تٸلدٸلەر باسىم قالا مونرەال ول كٷنٸ فۋتبولدان ەۋروپا قۇرلىعىنىڭ كۋبوگىنىڭ فينالىنا جولداما العان فرانتسييانىڭ جەڭٸسٸ ەمەس, ٷش بٸردەي قازاق جٸگٸتٸنٸڭ جەڭٸسٸنە تامساندى.
جات ەلدٸڭ رينگٸندەگٸ قازاق ەۋەنٸنٸڭ شارىقتاۋى پاتريوتتىق سەزٸمدٸ وياتپاي قويمايتىنى دا انىق, كۆەبەكتە ەكەنٸڭدٸ ۇمىتتىرىپ, قازاقتىڭ كەڭ دالاسىن كٶزگە ەلەستەتەر قىمبات سەزٸم ٷشٸن دە بٷگٸنگٸ كانادالىق كەسٸپقوي بوكستىڭ جۇلدىزدارىنا العىس شەكسٸز. قازاق پوەزيياسىندا ايتىلاتىن “رۋحى – ٶر, تەنٸ – بەكەم, بۇل بٸر قايسار حالىق ەكەن…” دەيتٸن ويدىڭ جەتەگٸندە كەتكەن كانادالىقتاردىڭ قازاقستان جايلى ساۋاتتارىن تاريح پەن گەوگرافييا ەمەس, كەسٸپقوي بوكسشىلار اشۋدا.
بەلكٸم ەبدٸجەمٸل نۇرپەيٸسوۆ وسى عاسىرعا تيەسٸلٸ جازۋشى بولعاندا, “قان مەن تەر” رومانىنىڭ باستى كەيٸپكەرٸ دەل وسى ٷش چەمپيونىمىز بولار ما ەدٸ, كٸم بٸلسٸن?!
ٷش جٸگٸتتٸڭ جەڭٸستەرٸنٸڭ قۇپيياسى نەدە? باق پەن باپ بٸرگە شابۋى تيٸس سپورت سالاسىندا ويىنشىلاردىڭ قادامىن بولجاي بٸلٸپ, دارىنان تاني بٸلٸتەن ٶز ٸسٸنٸڭ شەبەرلەرٸنٸڭ ورنى اسا ماڭىزدى. باتىر, ابىلايحان مەن رۋستامنىڭ قايسارلىقتارىن جات ەلدە قايراپ جٷرگەن مەنەدجەر اننا رەۆۆا ەسٸمدٸ ارۋ قازاقستان قوعامىنا تانىس ەمەس. ساحنا ٶنەرٸندە دە شىمىلعىنىڭ ارعى بەتٸندەگٸ كەيٸپكەرلەردٸ كٶپشٸلٸك بٸلە بەرمەيتٸنٸ سيياقتى اننا دا ەڭبەگٸنٸڭ جەمٸسٸن تەك جەڭٸس رەتٸندە قابىلداۋعا داعدىلانعان ازاماتشا. مونرەالدىق بيزنەس-حانىم سپورت ەلەمٸنە كەلگەنٸنە ٷش جىل بولسا دا, ٶزٸنٸڭ قىراعى كٶزدٸ مامان ەكەنٸن دەلٸلدەي بٸلدٸ. ٶز كەسٸبي جولىن ارتۋر بەتەربيەۆپەن باستاعان اننا قازاق جٸگٸتتەرٸنٸڭ جاتتىقتىرۋشىسى ستەفان لارۋشتىڭ جوعارى پٸكٸرٸن يەلەنٸپ ٷلگەردٸ.
جەڭٸستٸ ٶزدەرٸنٸڭ ەكٸنشٸ ەسٸمدەرٸ ەتۋدٸ كٶزدەيتٸن جەرلەستەرٸمٸزدٸڭ جەڭٸسٸنە ەش كٷمەنٸمٸز جوق. تٸلەرٸمٸز: كەسٸبي بوكستىڭ نەسٸبٸنە يە بولىپ, قازاقستان اتىن جات ەلدە اسقاقتاتا بەرٸڭدەر!!! قازاقستان مەن كانادا اراسىندا مۇحيت بولسا دا, سەندەرگە دەگەن سەنٸم مەن ٷمٸت تولاعاي!!!
قۇسايىنقىزى ايگەرٸم
شٸلدە, 2016
مونرەل, كانادا
ۇلت پورتالى
