دوپينگ داۋى سپورتشىلار مەن جانكٷيەرلەر قاۋىمىنىڭ تىنىشىن كەتٸردٸ. ەلەمدەگٸ نەبٸر سپورت ساڭلاقتارى جەڭگەن جٷلدەسٸن كەرٸ قايتارىپ, ٶكٸنٸشتەن ٶزەگٸ ٶرتەنٸپ جاتىر. قازاق سپورتشىلارى دا دوپينگ دٷربەلەڭٸنەن اينالىپ ٶتە المادى.
كەشە عانا بەس بٸردەي سپورتشىمىز حالىقارالىق وليمپيادا كوميتەتٸ جارييالاعان "قارا تٸزٸمگە" ٸلٸكتٸ. ياعني, ولارعا 2008 جىلى بەيجٸڭدە ٶتكەن وليمپيادا ويىندارىندا دوپينگ قولداندى دەگەن ايىپ تاعىلىپ وتىر. اتاپ ايتساق, تٸزٸمدە بٸرنەشە كٷن بۇرىن بەلگٸلٸ بولعان قازاقستاندىق اۋىر اتلەت يرينا نەكراسوۆا (كٷمٸس), مارييا گرابوۆەتسكايا (قولا), ەركٸن كٷرەستەن ەسەت مەمبەتوۆ (قولا) پەن بٸرگە اۋىر اتلەت ۆلاديمير سەدوۆ تا (تٶرتٸنشٸ ورىن) بار ەكەن. سونداي-اق زٸلتەمٸرشٸ ماييا مانەزانىڭ دا دوپينگ قولدانعانى رەسمي تٷردە راستالدى.
تاعى بٸر ٶكٸنٸشتٸسٸ, بۇعان دەيٸن سۆەتلانا پودوبەدوۆا, زٷلفييا چينشانلو جەنە ماييا مانەزا دا 2012 جىلعى وليمپيادا مەدالدارىنان ايىرىلعان ەدٸ. تٸپتٸ بەيجٸڭدە كٷمٸس العان تەيمۋراز تيگيەۆ تە جٷلدەسٸن كەرٸ قايتاراتىن بولعان-دى.
تاعى بٸر ماڭىزدى مەسەلە, قازاقستاندىق اۋىر اتلەتتەر يليا يلين مەن الماس ٶتەشوۆكە قاتىستى شەشٸم ەلٸ شىققان جوق. حوك وعلاندارىمىزدى الداعى ۋاقىتتا قالاي جازالايتىنى ەزٸرگە بەيمەلٸم.
بٸرەۋدٸڭ تۇتىلعانى ەكٸنشٸ بٸرەۋدٸڭ قۋانىشىنا باستايدى. دوپينگ قولداندى دەلٸنگەن جەڭٸمپاز جٷلدەسٸنەن ايرىلسا, ونىڭ سوڭىنداعى سپورتشى اياق استى جاڭا اتاققا يە بولادى. كەشەلٸ بەرٸ قازاق بالۋانى نۇرباقىت تەڭٸزباەۆتىڭ بەيجٸڭ وليمپياداسىنىڭ كٷمٸس مەدالٸن الۋى مٷمكٸن ەكەنٸ جيٸ جازىلا باستادى. جەرلەسٸمٸزدٸ جارتىلاي فينالدا جەڭگەن ەزٸربايجاندىق ۆيتاليي راگيموۆتىڭ دوپينگ قولدانعانى جايلى دەرەكتەر پايدا بولدى. الايدا قازاق بالۋانى بۇل "جاڭالىقتى" سالقىنقاندىلىقپەن قابىلداعان سەكٸلدٸ. بٸزدٸڭ باتىر ٶزٸنٸڭ قولا جٷلدەسٸنٸڭ قانشالىقتى ىستىق ەكەنٸن ايتىپ, كٷمٸستٸڭ ەزٸربايجان بالۋانىنا تيەسٸلٸ ەكەنٸن جازادى.
"پەكين وليمپياداسى مەن ٷشٸن سپورتتىق كارەرامنىڭ شىڭى بولدى. ەربٸر سپورتشى وليمپيادا ويىندارىنىڭ جەڭٸمپازى نەمەسە جٷلدەگەرٸ بولعىسى كەلەتٸنٸ انىق. سپورتتا ۇزاق ۋاقىت جٷرٸپ, ەشقاشان جەڭٸلدٸڭ استىمەن اۋىردىڭ ٷستٸمەن جٷرگەندٸ قولدامايتىنمىن جەنە قولدامايمىن دا. قانداي مەدال بولسىن ونى كٸلەم ٷستٸندە جەڭٸپ العاندى قولدايمىن. دەل سول كٷنٸ, مەنٸ ەزٸربايجان بالۋانى ۆيتاليي راگيموۆ ۇتقان بولاتىن, ۆيتالييدٸ تالانتتى دا مىقتى بالۋان رەتٸندە تانيمىن. سول كٷنٸ ٷشٸنشٸ ورىن يەلەنۋ مەنٸڭ ماڭدايىما جازىلعان بولار, ماعان ٶزٸمنٸڭ ۇتقان قولا مەدالىم اسا قىمبات. كٷمٸس ۆيتالييگە جەنە ونىڭ جانۇياسىنا تيەسٸلٸ. ول مەدالدىڭ ارتىندا كٶپتەگەن ادامنىڭ ەڭبەگٸ جاتىر. كٷمٸس سول ەڭبەكتٸڭ جەمٸسٸ دەپ ويلايمىن! سٸزدەردٸڭ جىلى لەبٸز جەنە قولداۋلارىڭىزعا ٷلكەن العىس ايتامىن", - دەيدٸ ول ٶز جازباسىندا.
قالاي بولعاندا دا, بۇل تاقىرىپقا قاتىستى ناقتى شەشٸم الداعى ۋاقىتتىڭ ەنشٸسٸندەگٸ دٷنيە. ەلٸپتٸڭ ارتىن باعايىق.
ۇلت پورتالى
