مادريد قالاسىندا قازاق ەدەبيەتٸنٸڭ يسپان تٸلٸندەگٸ انتولوگيياسىن اۋدارۋ, باسىپ شىعارۋ مەن تاراتۋ جۇمىستارىنا قاتىستى كەلٸسسٶزدەر اياقتالدى.
«رۋحاني جاڭعىرۋ» باعدارلاماسىن جٷزەگە اسىرۋ ماقساتىندا قولعا الىنعان جوبا اياسىندا يسپانييا مەدەنيەت مينيسترلٸگٸمەن ستراتەگييالىق سەرٸكتەستٸك ورناتىلىپ, «سەرۆانتەس ينستيتۋتى» جوبا كەڭەسشٸسٸ رەتٸندە بەكٸتٸلدٸ.
بٸرقاتار يسپانييالىق ٸرٸ باسىلىمداردىڭ ۇسىنىسى سارالانا كەلە, قازٸرگٸ زامانعى قازاق ەدەبيەتٸنٸڭ يسپان تٸلٸندەگٸ ەكٸ انتولوگيياسىن اۋدارۋ, باسىپ شىعارۋ, تاراتۋ جۇمىستارى ٷشٸن «Visor-Libros» باسپا ٷيٸ تاڭدالدى.
اتالعان مەموراندۋم يسپان استاناسىنداعى قازاقستان ەلشٸلٸگٸندە جاسالدى. قۇجاتقا «رۋحاني جاڭعىرۋ» باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ حاتشىسى ايدا بالاەۆا مەن باسپا ٷيٸنٸڭ پرەزيدەنتٸ حەسۋس گارسيا سانچەس قول قويدى. ٸس-شاراعا قازاقستاننىڭ يسپانيياداعى ەلشٸسٸ كونستانتين جيگالوۆ پەن «ۇلتتىق اۋدارما بيۋروسىنىڭ» ديرەكتورى راۋان كەنجەحانۇلى قاتىستى.
«Visor-Libros» باسپاسى – شەتەل ەدەبيەتٸمەن اينالىساتىن مامانداندىرىلعان بٸرەگەي باسپا. باسپا ٷيٸ كٶپ جىلدىق تەجٸريبەگە يە. ەلەمنٸڭ ونداعان ەلٸمەن جۇمىس جاساپ, اقىن-جازۋشىلار شىعارماشىلىعىن ناسيحاتتاۋدا ٶنٸمدٸ ەڭبەك ەتٸپ كەلەدٸ.
«Visor-Libros» باسپاسى يسپانييادا عانا سۇرانىسقا يە بولىپ قويماي, لاتىن امەريكا ەلدەرٸ مەن سولتٷستٸك امەريكاداعى يسپان تٸلدٸ مەملەكەتتەردە دە كەڭٸنەن تانىمال.
قازاقستان مەن ەكٸ ەل اراسىنداعى كەلٸسٸمگە سەيكەس, قازاق ەدەبيەتٸ انتولوگيياسىن تەك يسپانييادا عانا ەمەس, ٶزگە ەلدەردە دە تاراتۋ-ناسيحاتتاۋ جۇمىستارى كٶزدەلگەن. كٶپشٸلٸك بٸلەتٸندەي, يسپان تٸلٸ تەك يسپان ەلٸنٸڭ عانا ەمەس, سونىمەن قاتار لاتىن امەريكاسىنىڭ 18 ەلٸ ٷشٸن دە انا تٸلٸ سانالادى. بۇل تٸلدە ەلەمدە 600 ميلليوننان استام ادام سٶيلەيدٸ.
«بٸز ٷشٸن ەڭ باستىسى – يسپان وقىرماندارىنىڭ تالعامىنان شىعىپ, جٷرەكتەرٸنە جول تاباتىن ساپالى دا ساۋاتتى اۋدارما ۇسىنۋ. بٸزدٸڭ شىعارماشىلىق توپتار, ياعني قالامگەرلەر اراسىنداعى بٸرٸككەن ٸس ەكٸ ەلدٸڭ مەدەنيەتٸن تابىستىراتىن ھەم ارا-قاتىناسىن ودان ەرٸ جاقىنداستىراتىن التىن كٶپٸر بولماق», - دەدٸ ايدا بالاەۆا يسپان باسپاگەرلەرٸمەن بولعان كەزدەسۋدە.
ٶز كەزەگٸندە, «Visor-Libros» باسپا ٷيٸنٸڭ پرەزيدەنتٸ ۋاقىتىلى قولعان الىنعان ماڭىزدى باستامانىڭ سەبەپكەرٸ بولعانىنا قۋانىشتى ەكەنٸن جەتكٸزدٸ. حەسۋس گارسيا سانچەس بۇل سەرٸكتەستٸكتٸڭ ساياسي يا بولماسا كوممەرتسييالىق تۇرعىدان ەمەس, مەدەنيەتتەر بٸرلٸگٸ تۇرعىسىنان ماڭىزدى باستاما ەكەنٸن باسا ايتتى.
بۇۇ-نىڭ 6 تٸلٸنە اۋدارىلعان زاماناۋي وتاندىق ەدەبيەت ٶكٸلدەرٸنٸڭ شىعارمالار جيناعى «جاھانداعى زاماناۋي قازاقستاندىق مەدەنيەت» جوباسى بويىنشا جاساقتالعان. تيٸسٸنشە, بۇل جوبا - مەملەكەت باسشىسى نۇرسۇلتان ەبٸشۇلى ۇسىنعان «رۋحاني جاڭعىرۋ» باعدارلاماسىنىڭ قۇرامداس بٶلٸگٸ.
«جاھانداعى زاماناۋي قازاقستاندىق مەدەنيەت» جوباسىنىڭ مٸندەتٸ – ەلەم جۇرتشىلىعىنا تەۋەلسٸزدٸك كەزەڭٸندەگٸ ەدەبيەتٸمٸزدٸڭ, مۋزىكامىزدىڭ, سۋرەت جەنە بي ٶنەرٸنٸڭ, سونىمەن قاتار كينو مەن تەاتر ٶنەرٸنٸڭ جەتٸستٸكتەرٸن پاش ەتۋ.
جوبا اياسىندا قازٸرگٸ قازاق ەدەبيەتٸنٸڭ قوس انتولوگيياسى يسپان تٸلٸنە اۋدارىلاتىن بولادى. ولار: «قازٸرگٸ قازاق پوەزيياسىنىڭ انتولوگيياسى» مەن «قازٸرگٸ قازاق پروزاسىنىڭ انتولوگيياسى». ەربٸرٸ شامامەن 500 بەتتەن تۇراتىن انتولوگييالارعا 60 قازاقستاندىق اۆتوردىڭ شىعارماسى ەنگٸزٸلگەن. ولاردىڭ قۇرىلىمى مەن مازمۇنى قازاقستان جازۋشىلار وداعىنىڭ ارنايى كەڭەسٸندە بەكٸتٸلگەن.
ەسكە سالا كەتەيٸك, كەشە عانا ۇلىبريتانييادا «رۋحاني جاڭعىرۋ» باعدارلاماسىن ٸسكە اسىرۋ جٶنٸندەگٸ ۇلتتىق كوميسسييا مەن كەمبريدج ۋنيۆەرسيتەتٸ باسپاحاناسى اراسىندا ىنتىماقتاستىق جٶنٸندە مەمورۋندامعا قول قويىلعان بولاتىن. كەلٸسٸم بويىنشا ۇلىبريتانييالىق باسپاحانا قازٸرگٸ زامانعى قازاق ەدەبيەتٸنٸڭ اعىلشىن تٸلٸندەگٸ انتولوگيياسىن اۋدارۋ, باسىپ شىعارۋ مەن تاراتۋ جۇمىسىن قولعا الاتىن بولدى.
