پاريجدە قازاق ەدەبيەتٸنٸڭ قوس انتولوگيياسىن فرانتسۋز تٸلٸنە اۋدارۋ, باسىپ شىعارۋ مەن تاراتۋ جۇمىستارىنا قاتىستى كەلٸسسٶزدەر اياقتالدى.
جوبا قاتىسۋشىلارى پاريجدٸڭ بٸرٸنشٸ وكرۋگٸنٸڭ باسشىلىعى مەن ەلوردا مەدەني بٸرلەستٸگٸنٸڭ قولداۋىمەن سۇرىپتالدى. ولار - بۇرىننان قازاقستاننىڭ رۋحاني قولداۋشىسى ەرٸ جوبانىڭ ستراتەگييالىق سەرٸكتەستەرٸ. سونداي-اق, قازاق ەدەبيەتٸن اۋدارىپ, ناسيحاتتاۋ باستاماسىن ساپا مەسەلەسٸنە جاۋاپ بەرەتٸن باقىلاۋشى-رەتسەنزەنت رەتٸندە فرانتسۋز ۇلتتىق كٸتاپ ورتالىعى قولدادى.
«رۋحاني جاڭعىرۋ» باعدارلاماسىن جٷزەگە اسىرۋ جٶنٸندەگٸ ۇلتتىق كوميسسييا كٶپتەگەن فرانتسۋز باسپاسىنىڭ جەنە ستراتەگييالىق سەرٸكتەستەردٸڭ ۇسىنىسىن سارالاي كەلە, ٶنەر جەنە ەدەبيەتتٸ دەرٸپتەۋ بويىنشا اۋدارما ھەم باسپا ٸسٸندە 30 جىلدان استام تەجٸريبەسٸ بار ميشەل دە مول (Michel de Maule) باسپاسىن تاڭداۋدى ۇيعاردى. ونىڭ نەگٸزٸن سالۋشى جەنە باس رەداكتورى - تانىمال فرانتسۋز لينگۆيسٸ, اقىن تەرري-دە-لا-كرۋا (Thierry de La Croix).
ەدەبيەتشٸ ەرٸ باسپاگەر تەرري-دە-لا-كرۋا مەموراندۋمعا قول قويۋ بارىسىندا بۇل جوبا ارقىلى فرانتسۋز وقىرمانى ەلەم مەدەني كەڭٸستٸگٸندەگٸ ٶزگەشە ەلەمدٸ اشاتىنىن جەنە ونىڭ زور ەلەۋەتكە يە ەكەندٸگٸن اتاپ ايتتى. پاريج مەدەني بٸرلەستٸگٸنٸڭ پرەزيدەنتٸ مادام كارلا وريگوني (Carla Arigoni) جوبانىڭ اكادەمييالىق ماڭىزدىلىعىن تٸلگە تيەك ەتتٸ. ونىڭ پٸكٸرٸنشە, انتولوگييا ەدەبي جەنە ەستەتيكالىق قۇندىلىعىنان بٶلەك, عىلىمي تۇرعىدا دا ايرىقشا مەنگە يە.
قاۋىمداستىق الداعى جۇمىستارعا ەدەبيەت, مەدەنيەتتانۋ جەنە ايماقتانۋ سالالارىنىڭ بٸلٸكتٸ ماماندارىن تارتۋدى جوسپارلاپ وتىر. ولار فرانتسۋز وقىرمانىنا قازاقستان مەدەنيەتٸن جان-جاقتى ەرٸ كەسٸبي ٷلگٸدە ۇسىنباق.
جوبا اياسىندا انتولوگييانى تەك فرانتسييادا ەمەس, سونداي-اق, فرانتسۋز تٸلٸ رەسمي تٷردە قولدانىلاتىن نەمەسە نەگٸزگٸ تٸلمەن قاتار پايدالانىلاتىن ەلدەردە تاراتۋ بويىنشا ٷلكەن جۇمىس اتقارىلماق. ەلەمدە مۇنداي ەلدەر سانى 50-دەن اسىپ جىعىلادى. ال, فرانتسۋز تٸلٸن كٷندەلٸكتٸ ٶمٸردە قولداناتىن حالىق سانى 220 ميلليون. قازاق ەدەبيەتٸن اتالمىش ەلدەردە كەڭٸنەن تانىتىپ, ناسيحاتتاۋ جۇمىستارىمەن فرانتسۋز تٸلٸ كەڭ ەتەك جايعان مەملەكەتتەردە تانىمال «پرەستيج كوممۋنيكاتسيون» (Prestige Communication) جاھاندىق اگەنتتٸگٸ اينالىسادى.
حالىقارالىق اگەنتتٸكتٸڭ باس ديرەكتورى لوران تايب (Laurent Taieb) ىنتىماقتاستىق ورناتۋ مەموراندۋمىنا قول قويۋ كەزٸندە ەلدٸ مەدەنيەت, رۋحاني جەدٸگەرلەرٸ مەن ٸشكٸ دامۋى ارقىلى ەلەمگە تانىتۋعا جول اشاتىن «رۋحاني جاڭعىرۋ» باعدارلاماسىنىڭ ماڭىزى مەن رٶلٸن ەرەكشە اتاپ ٶتتٸ.
مەموراندۋمعا قازاقستاندىق تاراپتان «رۋحاني جاڭعىرۋ» باعدارلاماسىن جٷزەگە اسىرۋ بويىنشا قازاقستان پرەزيدەنتٸ جانىنداعى ۇلتتىق كوميسسييا حاتشىسى ايدا بالاەۆا قول قويدى. ول سەرٸكتەستەرگە اۋدارمالاردىڭ كٶركەمدٸك دەلدٸگٸ مەن ەستەتيكالىق سيپاتىن قامتاماسىز ەتۋدٸ تاپسىردى.
فرانتسيياداعى قازاقستان ەلشٸلٸگٸنٸڭ عيماراتىندا ٶتكەن كەلٸسسٶزدەرگە فرانتسيياداعى قر ەلشٸسٸ جان عاليەۆ جەنە «ۇلتتىق اۋدارما بيۋروسىنىڭ» ديرەكتورى راۋان كەنجەحانۇلى قاتىستى.
