توكيو وليمپياداسىندا ەركٸن كٷرەس شەبەرٸ دانييار قايسانوۆ جارتىلاي فينالعا شىقتى, دەپ حابارلايدى Sputnik قازاقستان.
شيرەك فينالدا جەرلەسٸمٸز مىسىرلىق رەدا رامادان حۋسسەينمەن بەلدەستٸ. بٸرٸنشٸ كەزەڭدە قارسىلاسى بٸردەن العا ۇمتىلىپ, ٷش ۇپاي الىپ كەتتٸ. ال قايسانوۆ ەكٸ ۇپاي الدى. ال ەكٸنشٸ كەزەڭدە مىسىرلىق بالۋان ٶز باسىمدىعىن بەس ۇپايعا دەيٸن جەتكٸزدٸ. بٸراق قايسانوۆ ٶز ەدٸستەرٸن شەبەر ورىنداپ, ەسەپتٸ 8:5-كە جەتكٸزدٸ.
جارتىلاي فينالدا جەرلەسٸمٸز رەسەيلٸك بالۋان زاۋربەك سيداكوۆپەن كٷرەسەدٸ.
ايتا كەتەرٸ, بٷگٸن ەيەلدەر اراسىنداعى سايىستاردا تاتيانا احمەتوۆا (53 كەلٸ) العاشقى بەلدەسۋٸندە ۇتىلىپ قالدى. يۋسۋپ باتىرمىرزاەۆ (125 كەلٸ) تا بٸرٸنشٸ اينالىمنان اسا المادى. ارتىنان ولاردىڭ قارسىلاستارى دا جەڭٸلدٸ. دەمەك ەكەۋٸ دە جۇبانىش بەلدەسۋ مٷمكٸندٸگٸنەن ايىرىلىپ وتىر.
تٷستەن كەيٸن نۇريسلام ساناەۆ (57 كەلٸ) بولگارييالىق گەورگي ۆانگەلوۆپەن قولا مەدال ٷشٸن كٷرەسەدٸ. كٷنٸ كەشە ول جارتىلاي فينالعا جەتكەن. بٸراق ٷندٸستاندىق پالۋاننان جەڭٸلٸپ قالدى.
