- برازيلييانىڭ ريو-دە-جانەيرو قالاسىندا ٶتٸپ جاتقان وليمپيادا ويىندارىندا بٷگٸن شارشى الاڭعا شىققان قايرات ەراليەۆ جەكپە-جەكتەن كەيٸن, ٶز ويىمەن بٶلٸستٸ, دەپ حابارلايدى ريوداعى قازاقپارات تٸلشٸسٸ.
«مەن نەگٸزٸ جەڭٸلگەن جوقپىن. قارسىلاسىمنان ارتىق جۇدىرىقتاسپاسام, كەم بولعان جوق. ونىڭ سوققىلارىنىڭ بارلىعى مەنٸڭ قورعانىسىمنان ٶتە المادى. ال مەن كٶپتەگەن سوققىلارىمدى دٶپ تيگٸزدٸم دەپ نىق سەنٸممەن ايتا الامىن», - دەدٸ ەراليەۆ.
ول دوحادا ٶتكەن ەلەم بٸرٸنشٸلٸگٸندە وسى بوكسشىمەن كەزدەسكەنٸن ايتتى.
«مەن بۇل بوكسشىمەن دوحادا ٶتكەن ەلەم چەمپيوناتىندا كەزدەسكەم. وندا تازا ۇتىلعان بولاتىنمىن. مويىندايتىن كەزدە مويىنداۋ كەرەك. ال بٷگٸن ۇتىلدىم دەپ ايتا المايمىن. مەنٸ تٶرەشٸلەر اياعىمنان شالدى. وليمپيادا جٷلدەسٸ بۇيىرماي تۇرعان شىعار. تٶرەشٸ كٸمنٸڭ قولىن كٶتەرسە, سول جەڭدٸ دەگەن سٶز. بٸراق, كٸمنٸڭ مىقتى جۇدىرىقتاسقانىن جانكٷيەرلەر, حالىق كٶرٸپ وتىر. باعاسىن سولار بەرەدٸ», - دەپ ەڭگٸمەسٸن قىسقا قايىردى بوكسشى.
56 كەلٸ سالماقتاعى ەل نامىسىن قورعاعان وتانداسىمىز قايرات ەراليەۆ ٶزبەك مۋرودجون احماداليەۆتەن ۇپاي سانى بويىنشا ۇتىلدى.
ەستەرٸڭٸزگە سالا كەتەيٸك. قازاقستان ريو-دە-جانەيرو قالاسىندا ٶتٸپ جاتقان وليمپيادا ويىندارىندا جالپى ەسەپتە 2 التىن, 2 كٷمٸس, 3 قولا مەدالمەن 16-ورىندا كەلەدٸ.
جارىستىڭ العاشقى كٷنٸندە دزيۋدودان ەرلەر اراسىندا 60 كەلٸگە دەيٸنگٸ سالماق دەرەجەسٸندە سىنعا تٷسكەن ەلدوس سمەتوۆ ەل قورجىنىنا كٷمٸس جٷلدە سالسا, 48 كەلٸگە دەيٸنگٸ سالماقتا ەيەلدەر اراسىندا جارىسقا قاتىسقان وتگونتسەتسەگ گالبادراح وليمپيادا ويىندارىنىڭ قولا جٷلدەگەرٸ اتاندى. ال ٷشٸنشٸ مەدالدٸ قورجىنعا اۋىر اتلەت فارحاد حاركي سالدى. ول ەرلەر اراسىنداعى 62 كەلٸگە دەيٸنگٸ سالماق دەرەجەسٸندە ٶنەر كٶرسەتكەن بولاتىن. وليمپيادانىڭ تٶرتٸنشٸ كٷنٸ تاعى بٸر اۋىر اتلەت قىزىمىز كارينا گوريچەۆا 63 كەلٸ سالماقتا تٶرتٸنشٸ مەدالدٸ ەل قورجىنىنا سالسا, وليمپيادانىڭ بەسٸنشٸ كٷنٸ ەكٸ سپورتشىمىز - اۋىر اتلەت نيدجات راحيموۆ پەن دميتريي بالاندين 200 مەتر قاشىقتىققا جٷزۋدەن ەكٸ التىندى جەڭٸپ الدى. ال وسى كٷنٸ ەيەلدەر اراسىندا سىنعا تٷسكەن اۋىر اتلەت قازاقتىڭ قىزى جازيرا جاپپارقۇل كٷمٸس جٷلدەگەر اتاندى.
