بەلگٸلٸ كەسٸپكەر قايرات بورانباەۆتى قاماۋ مەرزٸمٸ تاعى بٸر ايعا ۇزاردى, - دەپ حابارلايدى "ۇلت اقپارات".
"2022 جىلعى 8 شٸلدەدە نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كٷدٸكتٸ قايرات بورانباەۆقا قاتىستى كٷزەتپەن ۇستاۋ تٷرٸندەگٸ سانكتسييالانعان بۇلتارتپاۋ شاراسى مەرزٸمٸن تاعى بٸر ايعا ۇزارتتى", - دەدٸ قالالىق سوتتىڭ باسپاسٶز قىزمەتٸ ٶكٸلٸ.
ايتا كەتەيٸك, قايرات بورانباەۆ - قازاقستاننىڭ ەكس-پرەزيدەنتٸ نۇرسۇلتان نازارباەۆتىڭ قىزى داريعا نازارباەۆانىڭ بۇرىنعى قۇداسى. ونىڭ ۇستالىپ, ەكٸ ايعا قامالعانى ناۋرىزدىڭ ورتاسىندا بەلگٸلٸ بولعان.
بورانباەۆ Forbes Kazakhstan رەيتينگٸ بويىنشا, قازاقستانداعى ەڭ باي ەلۋ بيزنەسمەننٸڭ قاتارىنا كٸرەدٸ. بايلىعى – 519 ميلليون دوللار. ول 2000-2002 جىلدارى "قازترانسگاز" كومپانيياسىنىڭ اتقارۋشى ديرەكتورى جەنە "Intergas Central Asia" كوممەرتسييالىق ديرەكتورى, 2006-2014 جىلدارى "قازروسگاز" كومپانيياسىنىڭ باس ديرەكتورى بولدى. ول - "قايرات" فك باقىلاۋ كەڭەسٸنٸڭ تٶراعاسى, ەلدەگٸ ٸرٸ قوناق ٷيلەرٸ مەن ساۋدا ورىندارى جەنە ٶزگە دە ٸرٸ نىسانداردىڭ يەسٸ.
قاڭتار وقيعاسىنان كەيٸن قازاقستاننىڭ بۇرىنعى پرەزيدەنتٸ نۇرسۇلتان نازارباەۆ پەن ونىڭ جاقىندارى, سونداي-اق اينالاسىنداعى شەنەۋنٸكتەر مەن كەسٸپكەرلەر تٷرلٸ سەبەپپەن قىزمەتتەرٸنەن شەتتەتٸلٸپ, ىقپالىنان ايىرىلا باستادى.
