Belgili kásipker Qairat Boranbaevty qamaý merzimi taǵy bir aiǵa uzardy, - dep habarlaidy "Ult aqparat".
"2022 jylǵy 8 shildede Nur-Sultan qalasynyń mamandandyrylǵan aýdanaralyq tergeý soty kúdikti Qairat Boranbaevqa qatysty kúzetpen ustaý túrindegi sanktsiialanǵan bultartpaý sharasy merzimin taǵy bir aiǵa uzartty", - dedi qalalyq sottyń baspasóz qyzmeti ókili.
Aita keteiik, Qairat Boranbaev - Qazaqstannyń eks-prezidenti Nursultan Nazarbaevtyń qyzy Dariǵa Nazarbaevanyń burynǵy qudasy. Onyń ustalyp, eki aiǵa qamalǵany naýryzdyń ortasynda belgili bolǵan.
Boranbaev Forbes Kazakhstan reitingi boiynsha, Qazaqstandaǵy eń bai elý biznesmenniń qataryna kiredi. Bailyǵy – 519 million dollar. Ol 2000-2002 jyldary "QazTransGaz" kompaniiasynyń atqarýshy direktory jáne "Intergas Central Asia" kommertsiialyq direktory, 2006-2014 jyldary "QazRosGaz" kompaniiasynyń bas direktory boldy. Ol - "Qairat" FK baqylaý keńesiniń tóraǵasy, eldegi iri qonaq úileri men saýda oryndary jáne ózge de iri nysandardyń iesi.
Qańtar oqiǵasynan keiin Qazaqstannyń burynǵy prezidenti Nursultan Nazarbaev pen onyń jaqyndary, sondai-aq ainalasyndaǵy sheneýnikter men kásipkerler túrli sebeppen qyzmetterinen shettetilip, yqpalynan aiyryla bastady.
