فوتو: prosports.kz
استانا قالالىق سوتى وليگارح قايرات بورانباەۆقا جەنە قىلمىستىق ٸستٸڭ باسقا دا قاتىسۋشىلارىنا ٷكٸم شىعاردى, - دەپ حابارلايدى "ۇلت اقپارات" استانا سوتتارىنىڭ رەسمي پاراقشاسىنا سٸلتەمە جاساپ.
"استانا قالالىق سوتى كٸنەنٸ مويىنداۋ تۋرالى مەمٸلە نىسانىنداعى پروتسەستٸك كەلٸسٸممەن بٸرگە كەلٸپ تٷسكەن قايرات بورانباەۆقا جەنە باسقالارعا قاتىستى قىلمىستىق ٸستٸ قارادى.
كەلٸسۋ ٸسٸن جٷرگٸزۋ بارىسىندا قايرات بورانباەۆ, رومان ناحانوۆ ي تاير جانۇزاق پروتسەستٸك كەلٸسٸمدٸ ٶز ەرٸكتەرٸمەن جاساسقاندارىن, كٸنەنٸ مويىندايتىندارىن, ٸس بويىنشا ايىپتاۋ مەن دەلەلدەمەلەر, كەلتٸرٸلگەن زيياننىڭ سيپاتى مەن مٶلشەرٸ تۋرالى داۋلاسپايتىندارىن راستادى.
جەبٸرلەنۋشٸ «QazagGaz» ۇك» اق ٶكٸلٸ 14 ملرد. تەڭگەدەن استام زالالدىڭ تولىق ٶتەلگەنٸن اتاپ ٶتتٸ" - دەلٸنگەن حابارلامادا.
سوت باسپاسٶز قىزمەتٸنٸڭ مەلٸمەتٸنشە, پروتسەستٸك كەلٸسٸم جاساسۋ تەرتٸبٸ ساقتالعان جەنە ول زاڭ تالاپتارىنا سەيكەس كەلەدٸ. ەركٸمنٸڭ قىلمىستىق رٶلٸ ەسكەرٸلە وتىرىپ, ق. بورانباەۆ جەنە ر. ناحانوۆ ۇرلانعان اقشاعا يەلٸك ەتٸپ زاڭداستىرعان, ال ت. جانۇزاق باسشىلىقتىڭ زاڭسىز نۇسقاۋلارىن ورىنداعان. ول وسى ورايدا قىلمىستىق جولمەن تابىس تاپپاعان.
سوتتا پروكۋرور ق.بورانباەۆ پەن ر. ناحانوۆتىڭ ەرقايسىسىن 6 جىلعا باس بوستاندىعىنان ايىرۋدى, ال ت.جانۇزاقتى 5 جىلعا باس بوستاندىعىنان ايىرۋدى سۇرادى.
"اپەللياتسييالىق ساتىداعى سوت پروتسەستٸك كەلٸسٸمنٸڭ شارتتارىمەن كەلٸستٸ. سوت پروتسەستٸك كەلٸسٸمدە كٶرسەتٸلگەننەن ارتىق قاتاڭ جازا تاعايىنداۋعا قۇقىلى ەمەس.
سوت ٷكٸمٸمەن ق.بورانباەۆ پەن ر. ناحانوۆ كٸنەلٸ دەپ تانىلىپ, ەرقايسىسى 6 جىلعا باس بوستاندىعىنان ايىرىلدى. ولاردىڭ 5 ملرد. تەڭگەدەن استام مٷلكٸ تەركٸلەندٸ.
ت. جانۇزاقتىڭ اتقارعان رٶلٸن, سونداي-اق جاس بالاعا قامقورلىق جاساپ وتىرعانىن جەنە دەنساۋلىق جاعدايىن ەسكەرە كەلٸپ, سوت ونى 5 جىل مەرزٸمگە باس بوستاندىعىنان ايىردى" - دەلٸنگەن حابارلامادا.
Halyq Uni سايتىنىڭ جازۋىنشا, بورانباەۆ پەن ناحانوۆ ٶمٸر بويى مەملەكەتتٸك قىزمەتتٸ اتقارا المايدى. سونداي-اق سۋديا بولۋ, جەرگٸلٸكتٸ باسقارۋ ورگاندارىندا, ۇلتتىق بانكتە جەنە ونىڭ قۇرامىنداعى ۆەدومستۆولاردا, مەملەكەتتٸك جەنە كۆازيمەملەكەتتٸك مەكەمەلەردە قىزمەت ەتۋ قۇقىعىنان ايىرىلدى. ودان بٶلەك, قازاقستان پرەزيدەنتٸنە قايرات بورانباەۆتى «قۇرمەت», «ەرەن ەڭبەگٸ ٷشٸن», «پاراسات», III دەرەجەلٸ «بارىس» وردەنٸنەن ايىرۋ تۋرالى ۇسىنىس ەنگٸزٸلەدٸ.
"سوت ٷكٸمٸنە سەيكەس, بورانباەۆتىڭ مەنشٸگٸندەگٸ الماتى قالاسى ەل-فارابي كٶشەسٸندە ورنالاسقان قۇنى 686 ملن تەڭگە بولاتىن كوممەرتسييالىق نىسان مەن جەر ۋچاسكەسٸ, «قازاقستان حالىق بانكٸ» اق شوتىنداعى 1 ملرد 270 ملن 190 مىڭ تەڭگە جەنە «قازاقستان حالىق بانكٸ» اق شوتىنداعى 5 685 727 دوللار, 1 170 329 دوللار, 775 859 601 تەڭگە, 193 170 137 تەڭگە مەملەكەت پايداسىنا تەركٸلەنەدٸ.
رومان ناحانوۆتان مەملەكەت پايداسىنا «قازاقستان حالىق بانكٸ» اق شوتىنداعى 1 ملن دوللار, استاناداعى ٷش پەتەرٸ ٶندٸرٸلدٸ" - دەپ جازادى اقپارات اگەنتتٸگٸ.
بۇل رەتتە تايىر جانۇزاق تا ٶمٸر بويى مەملەكەتتٸك قىزمەتتٸ اتقارۋ, سۋديا بولۋ, جەرگٸلٸكتٸ باسقارۋ ورگاندارىندا, ۇلتتىق بانكتە جەنە ونىڭ قۇرامىنداعى ۆەدومستۆولاردا, مەملەكەتتٸك جەنە كۆازيمەملەكەتتٸك مەكەمەلەردە قىزمەت ەتۋ قۇقىعىنان ايىرىلدى.
