«قايرات» فۋتبول كلۋبى باس باپكەر الەكسەي شپيلەۆسكييگە قاتىستى ەلەۋمەتتٸك جەلٸلەردە شىققان اقپاراتقا جاۋاپ بەردٸ, – دەپ حابارلايدى كلۋبتىڭ باسپاسٶز قىزمەتٸ.
كەيبٸر باق پەن ەلەۋمەتتٸك جەلٸلەردە «قايرات» فك باس باپكەرٸ الەكسەي شپيلەۆسكييدٸڭ كوروناۆيرۋسقا شالدىققانى تۋرالى اقپارات تاراعان.
«بۇل جازبالاردى ەسەپكە الا وتىرىپ, «قايرات» فۋتبول كلۋبى اقپاراتتىڭ شىندىققا ساي ەمەستٸگٸن جارييالايدى. الەكسەي شپيلەۆسكيي شىن مەنٸندە 1 شٸلدەدە الماتىدا ٶتەتٸن «قايرات»-«جەتٸسۋ» كەزدەسۋٸنە قاتىسپايدى. بٸراق وعان سەبەپ – ماتچتان رەسمي تٷردە شەتتەتٸلگەنٸ. «قايرات» فك تەك رەسمي دەرەككٶزگە سەنۋگە شاقىرادى» دەلٸنگەن «قايراتتىڭ» باسپاسٶز قىزمەتٸ تاراتقان حابارلامادا.
بۇعان دەيٸن تاعى بٸر قازاقستان چەمپيوناتىنىڭ قاتىسۋشىسى – «قايسار» باسشىلىعى كوماندانىڭ 25 ويىنشىسى كوروناۆيرۋس جۇقتىردى دەگەن اقپاراتقا قاتىستى جاۋاپ بەرگەن ەدٸ.
