«Qairat» fýtbol klýby bas bapker Aleksei Shpilevskiige qatysty áleýmettik jelilerde shyqqan aqparatqa jaýap berdi, – dep habarlaidy klýbtyń baspasóz qyzmeti.
Keibir BAQ pen áleýmettik jelilerde «Qairat» FK bas bapkeri Aleksei Shpilevskiidiń koronavirýsqa shaldyqqany týraly aqparat taraǵan.
«Bul jazbalardy esepke ala otyryp, «Qairat» fýtbol klýby aqparattyń shyndyqqa sai emestigin jariialaidy. Aleksei Shpilevskii shyn máninde 1 shildede Almatyda ótetin «Qairat»-«Jetisý» kezdesýine qatyspaidy. Biraq oǵan sebep – matchtan resmi túrde shettetilgeni. «Qairat» FK tek resmi derekkózge senýge shaqyrady» delingen «Qairattyń» baspasóz qyzmeti taratqan habarlamada.
Buǵan deiin taǵy bir Qazaqstan chempionatynyń qatysýshysy – «Qaisar» basshylyǵy komandanyń 25 oiynshysy koronavirýs juqtyrdy degen aqparatqa qatysty jaýap bergen edi.
